රට පැහැදිලිවම දැවැන්ත ආර්ථික අර්බුධයක් කරා මේවන විට තල්ලු කර හමාරය. ලබන වසරේ රාජ්‍ය සේවක පඩි නඩි විශ්‍රාම වැ‍ටුප්, සමෘර්ධි දීමනා, ආදි කිසිදු ගෙවීමක් කිරීමේ හැකියාවක් මහින්දගෙ හොර ආණ්ඩුවට තබා ජනාධිපතිවරයාගේ විධායක බලතල පාවිච්චිකර හෝ කිරීමේ හැකියාවක් නැත.
මේවන විට සියලු කෙරෙමින් පැවැති සංවර්ධන කටයුතු නවත ඇත. ආරම්බ කිරීමට නියමිතව තිබු සියළු ව්‍යාපෘති නවතා ඇත. රෝහල් වල ඖෂධ නැත. ඒවා ගෙන්වීමට මුදල් නැත. ඩොලරයේ අගය 180 දක්වා ඉහළ ගොස් තිබේ. ලබන වසරේ ගෙවීමට නියමිතව තිබු ණය ගෙවා ගැනීමේ හැකියාව අර්බුධයකට ගොස් තිබේ . මේ ණය ගෙවීම සඳහ ලංකා බැංකුවේ, මහජන බැංකුවේ හා ජාතික ඉතිරිකිරීමේ බැංකුවේ තැන්පත් කරුවන්ගේ ධනය රුපියල් මිලියන 180,000 වැය කිරීමට තීරණය කර තිබේ. එය දැවන්ත ආර්ථික අර්බුධයක් පමණක් නොව සමාජීය අර්බුධයක් කරා දිව යන්නකි.
ජාත්‍යන්තර වශයෙන් රටට බරපතල අවාසිදායක තත්වයන් ගොඩ නැගෙමින් තිබේ. රටට ලැබීමට නියමිත්ව තිබු ණය ආධාර සහ සංවර්ධන ව්‍යාපෘති බොහොයක් මේවන විට තාවකාලිකව නතර කර තිබේ. එමෙන්ම GSP+ සහනය පවා නොලැබී යැමේ අනතුර පළ වෙමින් තිබේ. ණය ගෙවීමේ අවධානම සහගත බව ජාත්‍යන්තර ශ්‍රෙණිගත කිරීම් වල තව දුරටත් පහළ වැටෙමින් තිබේ. මේ තත්වය මත රටට ජාත්‍යන්තර සහනයක් ආධාරයක් හෝ නොලැබී යනු ඇත. සංචාරක ව්‍යාපාරය මුළුමනින්ම කඩා වැටී ඇත. සෘජුව සිදුවන මේ බලපෑම් නිසා වක්‍රාකාරව සිදුවන බලපෑම මීට වඩා වැඩි ගුණයකින් රටට බලපානු ඇත. මේ වන විටත් ව්‍යාපාරක ක්ෂේත්‍රයේ කඩා වැටීම් විර්ථා වෙයි.
මේ තත්වය සිරිසේන මහින්ද නොදන්නවා නොවේ. එහෙත් බලයට ඇති කෑදරකම සියල්ලට වඩා ඔවුන්ට වැදගත්ය.
කෝටි දෙක්කට වඩා වැඩි ජනගහණය පමණක් නොව ඉපදෙන්න සිටින දුවා දරුවාගේ ජීවිත පවා මේ බල පෙරේතකම විසින් ගොදුරු කර ගැනිමට මේ තක්කඩි දෙපළ සහ වුන්ගේ සහචර බත් බැලයන් කටයුතු කරමින් තිබේ.
මේ තත්වයන් පක්ෂ බේදකින් කණ්ඩායම් කල්ලි බේදයකින් තොරව තෙරුම් ගතයුත්තකි. අප විරුද්ධ විය යුත්තේ මේ දේශපාලන මතවාද වෙනස් කම් වලට නොවේ. එය වෙනම ප්‍රජාතන්ත්‍රවාදිව සංවාදයෙන් විසංවාදයෙන් බේරා ගත හැක. එහෙත් සිරිසේන සහ මහින්ද මේ කරමින් සිටින විනාශය දේශපාලනික මෙහෙයුමක් නොවේ. මෙය තනිකරම ජඩ කුමන්ත්‍රණයකි. ඉන් රටට ලැබෙන ජයග්‍රහණයක් නැත. මෙය පරාජය කිරීම කිසිම පාර්ශ්විකභාවයකින් තොරව සිදු කළ යුතුව තිබේ. මන්ද මේ විනාශ කරන්නේ අපි කාගෙත් සුන්දර රටය. හැම පුරවැසියාගේම නිදහස. ජීවත් වීමේ අයිතිය, පමණක් නොව හෙට උපදින දරුවාගේත් යහපත් අනාගතය විනාශකරමින් තිබේ.
ඒ නිසා මේ තත්වයන් මුළුමනින්ම පරාජයට පත් කිරීම කල් නොබලා විය යුතුව තිබේ.
