ඉන්දියාවේ ප්‍රථම AI-ජනනය කරන ලද මෙම පාසල් ගුරු රොබෝවරිය වන Iris, නම් රොබෝවරිය Makerlabs Edutech ප්‍රතිඵලයක් මත කේරළ පාසලක පැවති උත්සවයකදී එළිදක්වා ඇති බව ඉන්දියානු මාධ්‍ය සදහන් කර තිබේ.

අයිරිස් (Iris) නම් මෙම AI ගුරුවරිය සාරියකින් සැරසී සිටින බවද සඳහන්.

Iris සිසුන් සඳහා පුද්ගලාරෝපිත ඉගෙනුම් අත්දැකීම් ලබා දීමෙන් අධ්‍යාපන ක්ෂේත්‍රයට නවෝත්පාදන ගෙන ඒම අරමුණු කරයි. AI ගුරුවරයා තිරුවානන්තපුරම්හි KTCT උසස් ද්විතීයික පාසලේ සේවය කිරීමට දැනට යොදවා ඇත.
අති නවීන රොබෝ තාක්ෂණයෙන් සහ generative AI තාක්‍ෂණයෙන් බල ගැන්වෙන Iris, In-built voice Assistant සහ Intel චිප්සෙට් එකකින් ක්‍රියාත්මක වන බවත් සදහන්.

සාරියකින් සැරසී සිටින මෙම මානවරූපී රොබෝවරිය NITI Aayog විසින් Atal Tinkering Lab (ATL) ව්‍යාපෘතිය යටතේ වැඩි දියුණු කරන ලද්දකි. Iris රොබෝ ගුරුවරිය සාම්ප්‍රදායික ඉගැන්වීමේ විප්ලවීය වෙනසක් ඇති කරන බව එරට මාධ්‍ය පවසා සිටියි.

දැනට භාෂා තුනකින් ප්‍රවීණ වන අතර, සංවර්ධකයින් එහි භාෂා හැකියාවන් භාෂා 20 දක්වා ව්‍යාප්ත කිරීමට සැලසුම් කරයි.

සාමාන්‍ය ගුරුවරයෙකුට පිළිතුරු ලබා දිය හැක්කේ තමන්ගේ විෂයට අදාළව වුව ද මේ AI ගුරුවරියට ඕනෑම විෂයකට අදාළ ගැටලුවලට පිළිතුරු දියහැකි බවත් ඔවුන් වැඩිදුරටත් පෙන්වා දෙයි.

- රන්ජනා