අධික මීදුම සහිත අයහපත් කාලගුණය හේතුවෙන් කඳුකර ප්‍රදේශයකට එම යානය හදිසියේ ගොඩබා තිබුණි.
කෙසේවෙතත්, ජනාධිපතිවරයා ඇතුළු පිරිස සිටින ස්ථානයට මෙතෙක් කිසිවෙකුට ළඟාවීමට නොහැකිවී ඇති අතර ඔවුන්ව බේරා ගැනීමේ මෙහෙයුම් සඳහා ඉරාන සන්නද්ධ හමුදා, කමාන්ඩෝ ඒකක ඇතුළු කණ්ඩායම් 40ක් මේ වනවිට ක්‍රියාන්විතයට එක්ව සිටියි.
සෝදිසි මෙහෙයුම් සඳහා 47 දෙනෙකුගෙන් සමන්විත කණ්ඩායමක් යොමු කිරීමට රුසියාව සූදානම් වෙයි.
මේ අතර, විදෙස් මාධ්‍ය මීට ටික වේලාවකට පෙර වාර්තා කළේ, ඉරාන ජනාධිපතිවරයා රැගත් හෙලිකොප්ටරයේ බවට සැක කෙරෙන තාප තරංග හඳුනාගෙන ඇති බවයි.
ඒ, තුර්කි ඩ්‍රෝන යානා මෙහෙයුමකින් ය.
එහෙත්, එය ඉරාන ජනාධිපතිවරයා රැගත් හෙලිකොප්ටරය ද යන්න මෙතෙක් නිශ්චිතව තහවුරු වී නැහැ.
ඉරාන ජනාධිපති රයිසි ඇතුළු එරට ඉහළ නිලධාරීන් පිරිසක් ඉරාන - අසර්බයිජාන දේශසීමාවේ වේල්ලක් විවෘත කිරීමට ඊයේ (19) එක්ව තිබුණි.
එම උත්සවයෙන් පසු ඉරාන ජනාධිපතිවරයා ඇතුළු පිරිස රැගත් හෙලිකොප්ටර් යානය යළි පැමිණෙමින් තිබියදී ඔවුන් එම අනතුරට මුහුණ දී තිබේ.
මේ වනවිට ඉරාන ජනතාව රට පුරා සිය ජනාධිපතිවරයා වෙනුවෙන් යාඥා කිරීමද ආරම්භ කර ඇති බව විදෙස් මාධ්‍ය පවසයි.
-P.M
