ඉන් ළමයින් 4,000ක් මියගොස් ඇතැයි ගණන් බලා ඇති එම සංවිධානය පෙන්වා දෙන්නේ ඔවුන්ගේ මළසිරුරු කඩාවැටුණු ගොඩනැගිලිවල සුන්බුන් අතර සිරවී තිබෙන්නට ඇති බවය.
පසුගිය වසරේ ඔක්තෝබර් 7 වැනිදා හමාස් සාමාජිකයින් ඊශ්‍රායලය තුළට ඇතුළුවී එල්ල කළ ප්‍රහාර මාලාවෙන් අනතුරුව ඊශ්‍රායලය ගාසා තීරය වෙත ප්‍රහාර එල්ල කිරීමට ආරම්භ කළේය.
එම ප්‍රහාරවලින් ගාසා වැසියන් 37,500කට වැඩි පිරිසක් ඝාතනයට ලක්වී ඇති අතර ඉන් බහුතරය ළමයින්ය.
මෙලෙස අතුරුදන් වූ ළමයින්ගෙන් බහුතරය දෙමාපියන්ගෙන් වෙන්වීම හේතුවෙන් ඔවුන් සොයාගැනීමට නොහැකිව තිබේ.
යුද්ධය අතරතුර අතරමං වූ දරුවන්ට යළි දෙමාපියන් මුණුගැස්සවීමට හැකි සෑම උත්සාහයක්ම ගත යුතු බව සේව් ද චිල්ඩ්‍රන් සංවිධානය පෙන්වා දෙයි.
කෙසේ නමුත් උග්‍ර වන ගැටුම් හේතුවෙන් මෙම තත්ත්වය අසීරු වී ඇති බව වාර්තා වේ.
මේ අතර මීට අමතරව ඊශ්‍රායල හමුදාව අත්අඩංගුවට ගෙන සිරගත කළ දරුවන්ද සැලකිය යුතු සංඛ්‍යාවක් ඇතැයි ද එම වාර්තාවේ වැඩිදුරටත් සඳහන්ය.
සේව් ද චිල්ඩ්‍රන් වාර්තාවට අනුව ගැටුම්වලින් ඊශ්‍රායල ළමයින් ද 33 දෙනෙක් මියගොස් තිබේ.
එමෙන්ම හමාස් සංවිධානය ඔක්තෝබර් 7 සිදුකළ පැහැරගැනීම ඇතුළු පැහැරගැනීම්වලට ලක්වූ තවත් ඊශ්‍රායල ළමයින් පිරිසක් ගාසා තීරයේ සිටින බවත් එහි වැඩිදුරටත් දැක්වේ.
-P.M
