ඒ රිපබ්ලිකන් පක්ෂ සම්මේලනයේ දී ය.
ඒ අනුව ඔහුගේ උපජනාධිපති ධුර අපේක්ෂකයා ලෙස සෙනෙට් සභික ජේඩී වාන්ස් නම් කර තිබේ.
රිපබ්ලිකන් පක්ෂය මෙම තීරණයක් ගෙන ඇත්තේ, පසුගිය දා ඩොනල්ඩ් ට්‍රම්ප් සහභාගී වූ මැතිවරණ රැළියකට වෙඩි ප්‍රහාරයක් පවා එල්ල වී ඇති පසුබිමකය.
පෙන්සිල්වේනියාවේ පැවති මැතිවරණ ප්‍රචාරක රැලියක් අතරතුර දී එම වෙඩි තැබීම වාර්තා වූ අතර ඉන් හිටපු ජනාධිපතිවරයාගේ කනක් තුවාල වී තිබුණි.
එහිදී වෙඩි ප්‍රහාරය එල්ල කළ බවට සැක කෙරෙන අයෙකු බුද්ධි අංශ ස්නයිපර් වෙඩික්කරුවෙකු විසින් එල්ල කරන ලද ප්‍රහාරයකින් ජීවිතක්ෂයට පත්ව තිබුණි.
සැකකරු 20 හැවිරිදි තෝමස් මැතිව් කෲක්ස් නැමැත්තෙකි.
මෙම සිද්ධියේදී රැලිය නැරඹීමට පැමිණ සිටි පුද්ගලයෙක් ජීවිතක්ෂයට පත්වූ අතර තවත් දෙදෙනෙක් බරපතළ තුවාල ලැබීය.
මේ අතර අමෙරිකානු හිටපු ජනපති ඩොනල්ඩ් ට්‍රම්ප්ට එරෙහිව ගොනුකර තිබූ රහස්‍ය ලේඛණ තොගයක් සඟවා තබා ගැනීම සම්බන්ධ නඩුවෙන් ඔහු නිදොස් කොට නිදහස් කර තිබේ.
රහස්‍ය ලේඛන සාවද්‍ය ලෙස පරිහරණය කිරීම සම්බන්ධයෙන් හිටපු ජනාධිපතිවරයාට එරෙහි අපරාධ චෝදනා 40ක් යටතේ නඩුව විභාගයට ගනු ලැබූයේ ෆ්ලොරිඩාහි අධිකරණයක් විසිනි.
ජාතික ආරක්ෂක තොරතුරු හිතාමතා රඳවා තබා ගැනීම ඇතුළු රහසිගත ලේඛන සගවා තබා ගැනීම සම්බන්ධයෙන් වූ නඩුවේ චෝදනා කිහිපයකට ට්‍රම්ප් නිවැරදිකරු බවට විනිසුරුවරයා තීන්දු කර ඇතැයි විදෙස් මාධ්‍ය වාර්තා කළේ ය.
-P.M
