පකිස්ථානයේ රාජ්‍ය බැංකුව (SBP) විසින් නිකුත් කරන ලද දත්ත වලට අනුව, ආයෝජකයින් භාණ්ඩාගාර බිල්පත් වලින් ඩොලර් මිලියන 103.5 ක් ඉවත් කර ගැනීමත් සමඟ අගෝස්තු මාසයේ පළමු දින 23 තුළ පකිස්ථානයේ දේශීය බැඳුම්කරවල විදේශ ආයෝජන තියුනු ලෙස පහත වැටී ඇත.

වෙළඳපල විශේෂඥයින් පෙන්වා දෙන්නේ මෙම පිටතට ගලායාමට හේතු වී ඇත්තේ ජාත්‍යන්තර මූල්‍ය අරමුදල (IMF) සමඟ ගිවිසුමකට එළැඹීමේ ප්‍රමාදයන් සහ රටේ පවතින දේශපාලන අස්ථාවරත්වයය.

සිය උපායමාර්ගික සැලසුම්කරණයට සහ ආර්ථික ආයෝජනයට තවදුරටත් පාකිස්තාන රජය වෙතින් කිසිදු සැලසුමක් ක්‍රියාත්මක නොවීම හේතුවෙන් විදේශීය ව්‍යාපාරික ප්‍රජාව රජය කෙරෙහි දැඩි අප්‍රසාදය පළ කර ඇතැයි ද විදෙස් මාධ්‍ය වැඩිදුරටත් වාර්තා කළේය.

සාමාන්‍යයෙන් විදේශීය ආයෝජකයන් සහ බහුජාතික සමාගම් යම්කිසි රටක සිදු කරන ව්‍යාපාරික ගනුදෙනුව වසර 15-20 අතර දිගු කාලීන සැලසුමක් මත සිදුවන බවත්, එවැනි දිගු කාලීන ව්‍යාපාර සැලසුමක් පාකිස්තාන රජයට නොමැතිවීමෙන් තත්ත්වය බරපතළ වී ඇති බවත් විදෙස් මාධ්‍ය සඳහන් කළේය.

-P.M