ඔහු හෙළි කර ඇත්තේ ඉරාකයේ ඇමරිකානු තානාපතිවරයා ඉස්ලාමික රාජ්‍යයට එරෙහි ප‍්‍රහාරයක් පිළිබඳ සාකච්ඡ කිරීමට කැමති බව ඉරාකයේ ඉරාන තානාපතිවරයා වෙත පවසා ඇති බවයි.
ඔහු විසින් එය ඉරාන රජය වෙත වාර්තා කළ විට ඇතැමෙකු ඊට එකගතාවය පළ කළද තමන් පුද්ගලිකව විරුද්ධවූ බව කාමේනි පවසා ඇත.
ඇමරිකාව විසින් මින් පෙර මැදපෙරදිග වෙත සිදුකළ මැදිහත්වීම් තුළ තිබූ ආත්මාර්ථකාමීත්වය මත තමන් මෙවැනි මිලිටරි සන්ධානයකට එරෙහිවූ බව ඔහුගේ අදහසයි.
කාමේනි පවසා ඇත්තේ පැරිසියේදී පැවති ඉස්ලාමික රාජ්‍ය ත‍්‍රස්තවාදීන් මර්දනය කිරීම පිළිබඳ රාජ්‍යතාන්ත‍්‍රික නියෝජිත හමුවට ඉරානය ආරාධනා නොලද්දේ තම ප‍්‍රතිචාරයෙන් පසුව බවයි.
නමුත් ඉරානය සහභාගි නොවන්නේ බටහිර ආධාර ලබන සටන්කාමීන්ට එරෙහිව සිරියානු රජයේ සටනට සහය පළ කරන හෙයින් බව ඇමරිකානු රාජ්‍ය ලේකම් ජෝන් කෙරී පවසා ඇති අතර ඉරානය සමග මිලිටරි සහයෝගිතාවයක් ඇමරිකාවට අවශ්‍ය නොවන බව එම දෙපාර්තමේන්තු ප‍්‍රකාශිකා ජෙන් ප්සාකි පවසා තිබේ.
පැරිස් සමුළුව තුළදී සවුදි අරාබිය සහ එක්සත් අරාබි එමීර් රාජ්‍යය ඇමරිකානු ගුවන් ප‍්‍රහාර වලට එක්වීමට කැමැත්ත පළ කර ඇතැයිද වාර්තා වේ.
(ලංකාසීනිවුස්)
