පසුගිය නොවැම්බර් 16 වෙනිදා ඉහත මාලිගාවේදි නැෆෝලියන් බොනපාර්ට් භාවිතා කල සමහරක් සිහිවටන ප‍්‍රසිද්ධ වෙන්දේසියේ විකුණනු ලැබුවේය. එහිදී ඔහු පැළඳි හමුදාා හිස් වැසුමක් (තොප්පියක්) යුරෝ 18 ලක්ෂ අසුහතර දාහකට (1.884000)තුන් ඈවරවූ අතර පැරණි කෞතුක භාන්ඩ එකතු කරන්නෙකු වූ දකුණු කොරියානු ජාතික ධනපතියෙක් විසින් එය මිලදී ගත්තේය. දකුණු දිග ප‍්‍රංශයේ මොනාකෝ නොහොත් මොන්ටිකාලෝ නම් කුඩා රාජ්‍යයේ ඇල්බර්ට් කුමරු විසින් මොනාකෝ කෞතුකාගාරයේ තැන්පත් කර තිබු මෙම හිස්වැසුම එදින වෙන්දේසි පොළේ ගරු ගාම්භීර ලෙස තැන්පත් කර තිබුනි.

වර්ෂ 1870 හා 1949 අතර මොනාකෝ රාජ්‍යයේ දෙවන ලූවී රජු හෙවත් වර්තමාන ඇල්බර්ට් කුමරුගේ මුත්තා විසින් මිලදී ගෙන එම රජ මාලිගාවේ තැන්පත් කර තැබීය. මෙවැනි හිස් වැසුම් 19ක් විවිධ රටවල කෞතුකාගාර වල ඇත්තේය. විවිධ හැඩැති හිස් වැසුම් 120ක් පමණ ඔහු භාවිතා කර ඇති අතර එම සියල්ල හිස්වැසුම් සදහා ලෝසුපතල ප‍්‍රංශයේ මෙයිසොන් පූෆාර්ඞ් ආයතනයේ නිපැයුම් වේ.
වර්ෂ 1769 අගෝස්තු 15 වෙනිදා ගිණිකොන දිග ප‍්‍රංශයේ පිහිටි කෝස් දුපතේ ඇජැක්ෂියෝ ග‍්‍රාමයේ උපත ලද නැපෝලියන් බොනපාර්ට් ප‍්‍රංශ හමුදාාවේ ජෙනරාල් වරයෙකි.

1804 දෙසැම්බර් මස 02 වෙනි දින පැරීසියේ සුප‍්‍රසිද්ධ නෝත‍්‍ර ඩාම් කතෝලික දේවස්ථානයේදී හත්වන පියේ පාප් වහන්සේ විසින් නැපෝලියන්ට ඔටුනු පළඳවා රාජ්‍ය ප‍්‍රධානියා ලෙස අභිෂේක කළේය. ඉක්බිතිව වසර 9යි මාස10 දින 19ක් යුරෝපය හෙල්ලූ රණකාමි නැපෝලියන් 1821 මැයි මස 05 වෙනිදා සාන්ත හෙලේනා දුපතේදි අවසන් හුස්ම හෙළීය.

සුනිල් ආනන්ද පැරීසියේ සිට