වසර දහ තුනක් තිස්සේ තාලිබාන් කැරැල්ලට එරෙහිව නේටෝ හමුදා ඇෆ්ගනිස්තානු භූමියේ ගෙන ගිය යුද්ධයේ නිමාව සනිටුහන් කළේ කාබුල් නුවර හමුදා උත්සවයක් පවත්වමින්.
මේ වසර අවසානය වන විට විදේශ හමුදා ඇෆ්ගනිස්ථානයෙන් ඉවත් වීමට නියමිතයි.
නමුත් ඇෆ්ගන් හමුදාවට පුහුණු සහ අනෙකුත් විවිධ සහාය ලබා දීම සඳහා විදේශ හමුදා භටයන් දහතුන් දහසක් පමණ ඇෆ්ගනිස්තානයේ රැඳවීමට තීරණය කර තිබේ.
ඇෆ්ගන් යුද්ධය නිසා විදේශ හමුදා භටයන් තුන්දහස් පන්සියයක් පමණ මරණයට පත් වූ අතර ඉන් තුනෙන් දෙකක් ම ඇමරිකානු හමුදා භටයන්.
දශකයකට අධික කාලයක් තිස්සේ විදේශ හමුදා ඇෆ්ගනිස්තානයේ මෙහෙයුම් දියත් කළ නමුත් තාලිබාන් ප්‍රහාරයන් හි අඩුවක් තවමත් දක්නට නැති බවයි වාර්තාකරුවන් පවසන්නේ.
(bbc)
