විපක්ෂ කණ්ඩායම් සමාජවාදී පාලනය අනිසි ලෙස විග්‍රහ කිරීම සඳහා අන්තර්ජාලය යොදා ගන්නා බව චීන රජයේ අදහසයි. නිවේදනය කර ඇති නව නීතින්ට අනුව අන්තර්ජාලය භාවිතයට පෙර සම්බන්ධතා සංකේත සහිතව තම නම ලියාපදිංචි කළ යුතුයි.
එමෙන්ම එරට සමාජවාදී දේශපාලන ක්‍රියාවලියට අභියෝගයක් වන කරුණු හෝ අදහස් පල නොකරන බවටද පොරොන්දුවක් ලබාදිය යුතු බව ද සඳහන් වේ. ගත වූ සති කිහිපය තුළ ඇතැම් පුද්ගලික ජාල සහ බ්ලොග් අඩවි හරහා එරට දේශපාලන ක්‍රියාවලිය විවේචනය කරමින් අදහස් පළ කර තිබුණි.
ලොව අන්තර්ජාල භාවිත කරන්නන් අතරින් වැඩිම පිරිසක් ජීවත් වන්නේ චීනයේයි. එම සංඛ්‍යාව මිලියන 649ක් පමණ වේ. දේශපාලන විචාරකයන් මත පළකරන ආකාරයට නව වාරණයන් එරට ජනතාව තුළ අන්තර්ජාලය භාවිතයට ඇති උනන්දුව අඩු කිරීමට හේතු වනු ඇති බව පැවසේ.
