පසුගිය වසරේ එක්සත් ජනපද හමුදා ප්‍රමුඛ විදේශ හමුදා ඇෆ්ගනිස්ථානයෙන් ඉවත් වීමෙන් පසු දසකයක යුද්ධය අවසන් කිරීමේ ප්‍රයත්නයේදී මේ සාකච්ඡා පැවැත් වීම මූලික සන්ධිස්ථානයක් සේ සලකන බව ප්‍රකාශ කර තිබේ.
මේ අතර තලේබාන් නායකත්වය සාම සාකච්ඡා පැවැත් වීමේ අභිලාෂයෙන් පසුවන බවට පලව ඇති වාර්තා මුළුමනින්ම අසත්‍ය බව ඇෆ්ගන් තලේබාන් ප්‍රකාශක සබියුල්ලා මුජාහිද් පවසා ඇත. ඔහු පවසන්නේ අමෙරිකාව සමඟ මිස ඇෆ්ගන් රජය සමඟ සාකච්ඡාවට ඔවුන් කිසිසේත් සූදානම් නැති බවය.
මේ අතර චීනයේ සහාය මැද දෙපාර්ශ්වය අතර සාකච්ඡා චීනයේ බීජිං නුවර පැවැත් වීමේ අදහසක් ඇෆ්ගන් ජනාධිපතිවරයාගෙන් ඉදිරිපත්ව තිබේ. සාම සාකච්ඡා පවත්වන්නේ නම් ජනතාවට නොසඟවා විනිවිදභාවයෙන් යුතුව ඒවා පවත්වන බවද ඔහු පවසා තිබේ.
