අනතුර සිදුව ඇත්තේ පෙරේදා දහවල්ය. එරට විශාලම ගංගාවක් වන පද්මා නදියේ ගමන් ගත් මගී යාත්‍රාව භාණ්ඩ ගෙනයන යාත්‍රාව සමග ගැටී ඇත්තේ ඩෝලට්ඩියා -පැචූරියා හරස් මගේදී බව ගිනි නිවුම් දෙපාර්තමේන්තු නිලධාරින් පවසා තිබේ. භාංඩ යාත්‍රාව මගී යාත්‍රාවේ බඳේ ගැටී ඇත. අවටින් ගමන් ගන්නා බෝට්ටුවල සහායද ගැලවුම් කණ්ඩායම්වලට ලැබී ඇත. අනතුර සිදුව ඇති ස්ථානය ධකා අගනගරයෙන් කිලෝමීටර 40ක් දුරය.
පොලිසිය පවසන පරිදි එම්. එල් මොස්ටා නම් මගී යාත්‍රාව නදියේ මීටර 6ක් ගැඹුරේ ගිලී ඇත. බංග්ලාදේශ මගී යාත්‍රාව ගමන් ගන්නා මගී සංඛ්‍යාව පිළිබඳව සටහන් තැබීමක් සිදුනොවන බැවින් එහි ගමන් ගත් පිරිසේ නිශ්චිත සංඛ්‍යාවක් කිව නොහැකි නමුත් එය 140 ක් බව පැවසී තිබේ. යාත්‍රාව ගිලෙන විට බොහෝදෙනකු එහි හිරවී සිටි බවත් යාත්‍රාවේ මතුපිට තට්ටුවේ සිටි අය දියට පැන දිවි ගලවා ගෙන ඇති බවත් ඇසින් දුටුවෝ පවසති. සිද්ධිය සම්බන්ධයෙන් පරීක්ෂණයක් පැවැත්වීමට පංච පුද්ගල කොමිසමක් පත්කර ඇති අතර දින 15 කදී එහි වාර්තාව ලබා දිය යුතු බව පැවසී තිබේ.
