පසුගිය 15 වෙනිදා අත්සන් කළ සටන් විරාම ගිවිසුමට අනුව දෙපාර්ශවය විසින්ම යුද මුක්ත කලාපය දෙසට කිමී 25-75 දක්වා සිය බර ආයුධ ආපස්සට ගත යුතුවේ .
යුක්‍රේන රජය ඉරිදා පවසා තිබුණේ තමන් මෙම කාර්යය කිරීමට සුදානම් වන බවයි. හමුදා මෙහෙයුම් පිළිබඳ නියෝජ්‍ය අණදෙන නිලධාරී වැලන්ටයින් ෆෙඩිචිව් පවසන අන්දමට පසුගිය පැය 24 තුළ යුක්‍රේන හමුදාවලට එරෙහිව ප්‍රහාර 27 ක් එල්ල කර තිබේ.
බර අවි ආපසු ගැනීම පිළිබඳව විමර්ශනය කරනු ලබන්නේ යුරෝපා ආරක්ෂක සහ සහයෝගිතා සංවිධානයේ නිරීක්ෂණ දූත පිරිස විසිනි.
පොලිසිය සහ කැරලිකරුවන් අතර ගැටුමකින් එක් පොලිස් භටයෙක් සහ කැරලිකරුවෙක් මියගොස් ඇත.පුපුරණ ද්‍රව්‍ය තොගයක්ද පොලීසිය විසින් අල්ලා ගෙන තිබේ.
කැරලිකරුවන්ට හමුදා ආධාර සහ යුද ආයුධ සපයන බවට කරන චෝදනා රුසියාව ප්‍රතික්ෂේප කරයි. එහෙත් මේ බව චන්ද්‍රිකා ඡායාරුපවලින් තහවුරු වී ඇතැයි අවධාරණය කරන බටහිර බලවතුන් සහ නේටෝ හමුදාව එම ප්‍රතික්ෂේප කිරීම බැහැර කර ඇත.
