හමුදාව ප්‍රකාශ කරන අන්දමට අයි. එස්. සටන්කාමීන් ඔවුනගේ ඉදිරි ගමන් වළකාලීම සඳහා විශාල ප්‍රදේශයක සහ මහ මාර්ගවල බිම් බෝම්බ අටවා ඇත.

මීට දින කිහිපයකට පෙර රජයේ හමුදා ෂියා මුස්ලිම් සටන්කාමීන්ගේ සහායද ඇතිව ටික්රිට් නගරයේ නැගෙනහිර පිහිටි අල් අලාම් තම පාලනයට ගෙන ඇත. දැනට අයි. එස්. සටන්කාමීන් සිරියාවේ සහ ඉරාකයේ ප්‍රදේශ කිහිපයක පාලනය තම යටතට ගෙන සිටිති.

ඉරාක බලධාරින් පෙන්වා දී ඇත්තේ ඊයේ දිනයේ දී තම පාලනයට ගත් ප්‍රදේශ හිටපු ඉරාකයේ ඒකාධිපති පාලනයක් ගෙන ගිය සදාම් හුසේන්ගේ ජන්ම භූමිය බවයි.