මෙම ගුවන් ප්රහාර හේතුවෙන් සාමාන්ය වැසියන් විශාල ප්රමාණයක් මියගොස් ඇති බව ජාත්යන්තර රතුකුරුස සංවිධානය පවසයි. එසේම යේමනයේ සරණාගත කඳවුරක් අසලට එල්ල වූ ගුවන් ප්රහාරයක් හේතුවෙන් 40කට අධික පිරිසක් මරුමුවට පත්ව ඇතැයි එරටින් ලැබෙන වාර්තාවල සඳහන් වේ. මෙම මෙහෙයුම් නිසා එම ප්රදේශවල වැසියෝ ප්රදේශ අතහැර යමින් සිටින බව හමුදා ප්රකාශකයකු පවසා ඇත.
මේ අතර සෞදි අරාබියට අයත් නාවික හමුදා බළඇණි යේමනයේ සියලු වරායවලට ආරක්ෂාව සපයමින් සිටිනුයේ ඒවා මගින් කරැලිකරුවන්ගේ ගමන් නතර කිරීමට සහ එම වරායන් හරහා අවි ආයුධ සැපයීම නවතාලීමටයි.
හවුති ෂියා කැරලිකරුවන් පවසා ඇත්තේ තමන්ගේ අරමුණ එරට ජනපති හාදි රජය පෙරලා නව පාලනයක් ගෙන ඒම බවයි. මේ වන විට යේමනයේ පවතින යුදමය තත්ත්වය හේතුවෙන් ජනපති හාදි සෞදි අරාබි අගනුවර වන රියාද් වෙත ආරක්ෂාව සඳහා පිටව ගොස් සිටියි. මේ අතර හිටපු ජනපති අලි අබ්දුල්ලා සලේ සටන් විරාමයක් ඇති කරන ලෙස ඉල්ලීමක් කර ඇත. ඔහුගේ ආධාරකරුවෝ ද හවුති කැරලිකරුවන් සමග එක්ව හාදි පාලනයට එරෙහිව සටන් වැදී සිටිති.