කරච්චි නගරයේ උෂ්ණත්වය සෙල්සියස් අංශක 45ද ඉක්මවා ඇති බව පැවසේ. කරච්චි නුවර ජින්නා රෝහලේ ප්‍රකාශකයෙක් පවසා ඇත්තේ මියගිය අයගෙන් වැඩි පිරිසක් වැඩිහිටි පුද්ගලයින් බවයි.
එසේම විදුලි පරිභෝජනය ඉහළ යාම හේතුවෙන් නගරය තුල විදුලි කප්පාදුවක්ද සිදු කර ඇති බව වාර්තා වේ.
මෙම දැඩි උණුසුම තවත් දින කිහිපයක් පවතිනු ඇතැයි කාලගුණ විද්‍යාඥයන් අනතුරු අඟවා තිබේ. කරච්චි නුවරින් ඉතිහාසයේ වාර්තා වී ඇති වැඩිම උෂ්ණත්වය සෙල්සියස් අංශක 47ක් බව කාලගුණ වාර්තාවල වැඩිදුරටත් දැක්වේ.
මීට මාසයකට පමණ පෙර ඉන්දියාවේද මෙවැනි දැඩි උණුසුමක් පැවති අතර ඉන් මියගිය සංඛ්‍යාව 1700 ඉක්මවා තිබුණි.
