කයිරෝහි පිහිටි ශ්‍රි ලංකා තානාපති කාර්යාලයේ මැදිහත්වීමෙන් ඊයේ රාත්‍රි මෙම පිරිස දිවයිනට රැගෙන ආ බව ශ්‍රී ලංකා විදේශ සේවා නියුක්ති කාර්යංශය පවසයි.
ලිබියාවේ පවතින යුධමය වාතාවරණය හේතුවෙන් පීඩාවට පත් ලාංකික ශ්‍රමිකයින් යළි දිවයිනට ගෙන්වා ගැනීම සඳහා අමාත්‍ය ඩිලාන් පෙරේරා මහතාගේ උපදෙස් පරිදි විදේශ සේවා නියුක්ති කාර්යංශය විසින් විශේෂ වැඩපිළිවෙළක් සකස් කර ඇත.
එම වැඩපිළිවෙළ යටතේ මෙම ශ්‍රමිකයින් පිරිස ගෙන්වා ගෙන ඇති අතර ඒ සඳහා කාර්යංශය විසින් අමෙරිකානු ඩොලර් ලක්ෂයක මුදලක් වැය කර ඇති බව සඳහන්ය.
තවත් 30 දෙනෙකුගෙන් පමණ යුතු ශ්‍රී ලාංකික ශ්‍රමිකයින් පිරිසක් ලිබියාවේ සේවය කරන අතර අවශ්‍ය වුවහොත් එම පිරිසද ගෙන්වා ගැනීමට කටයුතු කරන බව විදේශ සේවා නියුක්ති කාර්යංශය පවසයි.
මේ අතර යුධමය වාතාවරණය අවසන් වන තෙක් ලිබියාවේ රැකියා සඳහා ශ්‍රී ලාංකික ශ්‍රමිකයින් යැවීම තාවකාලිකව අත්හිටුවා ඇති බව ද එම කාර්යංශය සඳහන් කරයි.
(අදදෙරණ)
