නීතිපතිවරයා විසින් මෙම නඩුව ගොනු කර ඇති අතර එහි සෙසු විත්තිකරුවන් ලෙස වනජීවී දෙපාර්තමේන්තුවේ හිටපු සහකාර අධ්‍යක්ෂවරයෙකු වන උපාලි පද්මසිරි සහ එම දෙපාර්තමේන්තුවේ ලිපිකාරිණියක වන ප්‍රියන්කා සංජීවනී සහ අදාළ අලි පැටවාගේ මුල් අයිතිකරු වශයෙන් පෙනී සිටි චන්ද්‍රරත්න බණ්ඩාර යටවර යන අය නම් කර ඇත.
ව්‍යාජ ලෙස සකස් කරන ලද බලපත්‍රයක් උපයෝගී කරගෙන “සකුරා” නැමැති අලි පැටවකු සන්තකයේ තබාගැනීම තුළින් පොදුදේපළ පනත යටතේ වරදක් සිදුකර ඇතැයි චෝදනා කොට අධිචෝදනා 25 ක් යටතේ මෙම නඩුව ගොනුකර තිබේ.
“සකුරා” නැමැති ඇත් පැටවාගේ තක්සේරු වටිනාකම රුපියල් 6970000/- ක් ලෙස ගනන් බලා ඇති බව නීතිපතිවරයාගේ සම්බන්ධීකරණ නිලධාරීනි සඳහන් කළේය.
තිළිණ ගමගේ යනු පසුගිය රාජපක්ෂ පාලන සමයේදී ඊට හිතවත්ව කටයුතු කළ පුද්ගලයකු බවටත් රාත්‍රී සමාජ ශාලා වල නිතර ගැවසෙන්නෙකු බවටත් චෝදනාවට ලක් වුවෙකි. එසේම දිනේශ් ගුණවර්ධනයේ මහජන එක්සත් පෙරමුණේ ප්‍රබල සමාජිකයකු වන එක්සත් ජනතා නිදහස් සන්ධාන හිටපු බස්නාහිර පළාත් සභා මන්ත්‍රී සලෝචන ගමගේ මොහුගේ සහොදරයාද වේ. බීමත්ව රිය පැදවීම හේතුවෙන් සලෝචන ගමගේ පසුගිය මැයි මස 17 දා අත්අඩංගුවට ගත්තේය
