මුදල් අමාත්‍යාංශය නිකුත් කළ "වසර මැද රාජ්‍ය මූල්‍ය තත්ත්වය පිළිබඳ වාර්තාවේ" දැක්වෙන්නේ, ඉන් රටේ විවිධ ක්ෂේත්‍රයන්ට එල්ල වූ බලපෑම මත මෙම ආදායම් අහිමි වීම තවත් ඉහළ යා හැකි බවයි.
2019 වසර මැද රාජ්‍ය මූල්‍ය තත්ත්වය පිළිබඳ වාර්තාව මුදල් අමාත්‍ය මංගල සමරවීර මහතා විසින් ඊයේ(23) පාර්ලිමේන්තුවට ඉදිරිපත් කළේය.
එහි දැක්වෙන්නේ මේ වසරේ අප්‍රේල් මස 21 වන දින එල්ල වූ ත්‍රස්ත ප්‍රහාරය මෙරට රාජ්‍ය ආදායම පහළවැටීමට මෙන්ම ඇතැම් රාජ්‍ය වියදම් බලාපොරොත්තු නොවූ ලෙස ඉහළ යාමට හේතු වූ බවයි.
ප්‍රහාරයෙන් පීඩාවට පත් ජනතාව වෙනුවෙන් අවශ්‍ය සහන සැලසීම, පූජනීය ස්ථාන හා යටිතල පහසුකම් ප්‍රතිසංස්කරණය කිරීම, ආරක්ෂාව සැපයීම සහ බලපෑමට ලක්වූ පාර්ශ්ව වෙනුවෙන් ණය සඳහා පොලී සහනාධාර ලබාදීමෙන් රජයේ වියදම් ඉහළ ගොස් තිබේ.
පාස්කු ඉරිදා ප්‍රහාර මාලාවෙන් සෘජු බලපෑම් එල්ල වූයේ මෙරට මූල්‍ය, සංචාරක, වෙළඳ හා ඉඳිකිරීම් යන ක්ෂේත්‍ර වලටයි.
ඒ අනුව රාජ්‍ය අදායමට කෙටිකාලීන සිදුව ඇති පාඩුව රුපියල් බිලියන 50ක් බව රාජ්‍ය මූල්‍ය තත්ත්වය පිළිබඳ වාර්තාවේ සඳහන්ය.
මෙවර අය - වැයෙන් ඉදිරිපත් කළ වසරේ අදායම් ඉලක්ක කෙරෙහි ද පාස්කු ඉරුදින ප්‍රහාරයේ බලපෑම් එල්ල වී තිබේ.
(adaderana)
