අද (29) පෙරවරුවේ රත්නපුරයේ පැවති උත්සවයක් අමතමින් ජනාධිපතිවරයා මේ බව ප්‍රකාශ කළේය.
මත්ද්‍රව්‍ය ජාවාරම්කරුවන්ට මරණීය දණ්ඩනය ලබාදීමට තමා ගත් තීරණයට එරෙහිව ආණ්ඩුවේ වගකිව යුතු පිරිස් පාරට බහිද්දි මත්ද්‍රව්‍ය ජාවාරම්කරුවන්, අපරාධකරුවන් සහ දූෂිතයන් ජය පැන් බොන්නට පටන්ගත් බව ද ජනාධිපතිවරයා ප්‍රකාශ කළේය. එහෙත් මත්ද්‍රව්‍ය ජාවාරම්කරුවන්ට මරණීය දණ්ඩනය ලබාදීමට තමා ප්‍රසිද්ධියේ පැවැසූවද ඒ කටට ආවට කියපු දෙයක් යැයි පසුව විදේශ තානාපතිවරුන් ඉදිරියේ පවසා තිබිණි.
ඒ කොහොම වූවත් රටේ ජනතාවගෙන් සියයට 90ක් පමණ තමාගේ මත්ද්‍රව්‍ය විරෝධී සටනට එක්ව ඇතැයි ජනාධිපති පවසන්නේ කොහෙන් ගත් සංඛ්‍යා ලේඛන මඟින්ද යන්න ගැටලුවක් තිබේ.
මන්ද ඉතා මෑතකදී ලෝක සෞඛ්‍ය සංවිධානය විසින් නිකුත් කළ වාර්ථාවකට අනුව ලංකාවේ පිරිමි ජන ගහනයෙන් සියයට 47.8 ක් ම මත්පැන් පානයට හුරුව සිටී. ඒ අතරින් වයස අවුරුදු 15 ත් 19 ත් අතර පිරිසම සියයට 12.4 කි..එමෙන්ම දුම් වැටි පාරිභෝජනයද ජනගහනයෙන් සියයට 30 ක්කට ආසනන්ය. මීට අමතරව හෙරෝයින්, ගංජා, කොකේන්, පෙති වර්ග ආදී වෙනත් මත්ද්‍රව්‍ය පාවිච්චි කරන පිරිසක්ද මේ ගනනට එකතු විය යුතුය. කාන්තා ජනගහනයෙන් යම් ප්‍රතිශතයක්ද මේ ගනනට එකතු විය යුතුව තිබේ.
ඒ අනුව රටේ ජනගහනයෙන් සියයට 90ක් තමන්ගේ මත්ද්‍රව්‍ය විරෝධී සටනට එක්වී ඇතැයි පැවසීම එක්කො කවුරු හෝ දුන් ලනුවක් ගිලීමකි. නැත්නම් හිතා නොහිතා කටට ආවාට කියුවකි. එසේත් නැත්නම් මත්ද්‍රව්‍ය භාවිතා කරමින් සිටි පිරිසෙන් වැඩි කොටසක් ජනාධිපතිවරයාගෙ මත් විරෝධී වැඩපිළිවෙලට හදිස්සියේම එක්වී තිබේ.
