කුමාර වෙල්ගම, වාසුදේව නානායක්කාර ආදින් පාවිච්චි කර ගොඨට එරෙහිව මතවාදී ව්‍යාපාරය සැලසුම් කළේ මහින්ද සහ බැසිල්ගේ අනුමැතිය සහිතව යන්න දැන් ප්‍රසිද්ධ කරුණකි. මේ වන විට ගොඨාබය ඉදිරිපත් කරන්නෙ නම් තමන් පොදු ජන පෙරමුණෙන් ඉවත් වන බව කියන කණ්ඩායමක්ද පොදුජන පෙරමුණේ සිටිති. කුමාර වෙල්ගම දැන්ටමත් මෛත්‍රීපාල සිරිසේනගේ නායකත්වය පිළිගෙන ශ්‍රී ලනිපයේ වැඩසටහන් වලට සහභාගි වෙමින් තිබේ. පොදු ජන පෙරමුණේ ඇතැම් මන්ත්‍රීවරයකුද මාධ්‍ය සාකච්ඡා වලදී පොදු ජන පෙරමුනේ කිහිප දෙනෙකු ශ්‍රිලනිපයට සහ එජාපයට එක්වීමේ හැකියාවක් තිබෙන බවත් මේ වන විට පිළිගෙන තිබේ.
මෙම සිතල යුද්ධය අද දින ගැ‍ටුම්කාරී තැනකට රැගෙන යාමට කුරුණෑගල දිස්ත්‍රික් මන්ත්‍රී ජොන්ස්ටන් ප්‍රනාන්දු විසින් කුමන්ත්‍රණකාරී ලෙස කටයුතු කළේය. ඊයේ (27) දින කුරුණැගල පවත්වන්නට කටයුතු යොදා තිබූ ගෝඨාබයගේ දේශපාලන සංවිධානය වන වියත් මගෙහි සම්මන්ත්‍රණය කඩාකප්පල කිරීමට ජොන්ස්ටන් විසින් කටයුතු කර තිබිණි. ඔහුගේ ලේකම් වරයා වන ලක්ෂිත ලංකාතිලක විසින් සහ අනෙකුත් කණ්ඩයම් විසින් ඊයේ දිනයේ සිටම වියත් මඟ සංවිධානයට එරෙහිව ප්‍රකාශ කිහිපයක් ෆේස්බුක් සමාජ ජාලය හරහා ප්‍රකාශයට පත් කර තිබිණි. එක් ප්‍රකාශයක අද වියත් මඟ සම්මන්ත්‍රණය නොපැවැත්වෙන බවටද දන්වා තිබිණි. එමෙන්ම වියත් මඟ සම්මන්ත්‍රණය පැවැත්වෙන අතරතුරෙදී විශ්‍රාමික මේජර් ජෙනරාල් බොනිපස් පෙරේරා දේශනයක් පවත් වමින් සිටියදී ඒ අතරට කඩා පැන ගැ‍ටුමක් ඇති කිරීමටද ජොන්ස්ටන්ගේ ගෝලබාලයකු කටයුතු කර තිබේ.
ජොන්ස්ටන් යනු මහින්ද රජපක්ෂගේ අතිශය සමීපතමයකු වේ. පසුගිය මහ මැතිවරණයේදී මහින්ද රාජපක්ෂගේ කුරුණෑගල දිස්ත්‍රික් මැතිවරණ ප්‍රචාරක මෙහෙයුමද මුළුමනින්ම ජොන්ස්ටන් විසින් සිදු කරනු ලැබුවේය.
කොහොම වෙතත් මේ වන විට ගෝඨාබයගේ දේශපාලන ආගමනය වැලැක්වීම සඳහ මහින්ද රාජපක්ෂ එළිපිටම වැඩ කරන තත්වයට පත්ව තිබේ. මීට දින කිහිපයකට පෙර ගෝඨාබයව ජනාධිපති අපෙක්ෂකයා කරන බවක් තමන් මෙතෙක් පවසා නැති බවට ප්‍රසිද්ධ ප්‍රකාශයක් කිරීමටද ඔහු ඉදිරිපත්ව තිබිණි.
මේ අනුව ලබන 11 වෙනිදා පැවැත්වීමට නියමිත පොදුජන පෙරමුණේ සම්මේලනයේදී ජනාධිපති අපෙක්ෂයා ලෙස ගෝඨාබයව නම් කිරීමක් සිදුවීමේ ඉඩක් පැහැදිලිවම නැති බව පෙනී යයි.
ඒ කවරක් වූවත් ගොඨාභයට ජනාධිපතිවරණය සඳහා ඉදිරිපත් නොවන්නැයි ඔහුගේ පවුලේ සාමාජිකයන්ගෙන්ද බලපෑම් එන්න එන්නම වැඩි වෙමින් තිබෙන බව එම පවුලේ සමීපතමයන් පෙන්වා දෙයි. මහින්ද සහ බැසිල් සිය සහොදරයන් වූවත් දේශපාලනයේදී එම සහෝදරකම් බලනොපාන බවත් තමුන්ට කවර හෝ බාධාවකට මුහුණ දිය හැකි බවත් ඔවුන් අනතුරු හඟවා ඇත්තේ මහින්ද රාජපක්ෂගේ අතීත ක්‍රියාදාමයන්ද මතක් කරමිනි.
