ක්‍රීඩකයින් සාමාන්‍යයෙන් ‘මහත්වරුන් ලෙස හැඳින්වේ. නමුත් පසුකාලීනව, සියලු දෙනාගේ අවසාන ඉලක්කය කෙසේ හෝ කීර්තිය, මුදල් සහ බලය සෙවීම දෙසට යොමුවී ඇති නිසා විනීතභාවය, අවංකභාවය සහ කුසලතා සියල්ලම ක්‍රීඩාවට, ක්‍රීඩකයින්ට සහ පරිපාලකයින්ට අහිමි වී ඇති බව පෙනේ! මෙය ශ්‍රී ලංකා ක්‍රිකට් ක්‍රීඩාවට පමණක් සීමා වූවක් යැයි කෙනෙකුට සිතිය හැකිය... නමුත් නැත, බලධාරීන් විසින් දූෂිත ක්‍රීඩකයින් සහ බලය අයුතු ලෙස පරිහරණය කිරීම බර ඉසිලීමේ ක්‍රීඩාවේ තත්වය පිළිබඳව ද බරපතල ප්‍රශ්න මතු වී තිබේ!
අතීත ක්‍රීඩක දෙමාපියන් තමන්ගේ ආවරණය හෝ කුසලතා තම දරුවන් වෙත ලබා දීම දැකීම ප්‍රසන්න දසුනක් වුවද, පිළිගත නොහැකි දෙය නම්, එවැනි දෙමව්පියන් තම දරුවන්ට අනුග්‍රහය දැක්වීම සඳහා හෝ සුදුසු ක්‍රීඩක ක්‍රීඩිකාවන්ට වඩා වැඩි අනවශ්‍ය වාසියක් ඔවුන්ට ලබා දීම සඳහා ඕනෑම ක්‍රීඩා ආයතනයක පරිපාලකයින් බවට පත්වීමයි! අවාසනාවකට මෙන්, ශ්‍රී ලංකාවේ බර ඉසිලීමේ කුඩා ප්‍රජාව තුළ දැනට සිදුවෙමින් පවතින්නේ එයයි.
වරෙක බර ඉසිලීම සඳහා ශ්‍රී ලංකාව නියෝජනය කළ මොතිලාල් ජයතිලක, තම පුත් රන්සිලු ජයතිලක මහතා ශූරයෙකු වීම සඳහා අවශ්‍ය පුහුණුවීම් සිදුකර ඔහුව සූදානම් කර ඇති බවට සැකයක් නැත. එසේම ඔවුන්ගේ සියලු තනි සහ ඒකාබද්ධ ජයග්‍රහණ වෙනුවෙන් අප පියා සහ පුතා දෙනොටම සුබ පැතිය යුතු අතර ඔවුන්ට ඒ සඳහා නිසි ගෞරවය ලබා දිය යුතු ය. නමුත් මෙම පියා / පුතු යුගලය විසින් තමන්ටම සහ ඔවුන්ගේ පෞද්ගලික මිතුරන්ට හා ප්‍රියතමයන්ට අනුග්‍රහය දැක්වීම වෙනුවෙන් පිළිගත හැකි තේරීම් ක්‍රියා පටිපාටිය තමන්ට අවශ්‍ය පරිදි හසුරුවන විට, එය ක්‍රීඩාවට සහ ක්‍රීඩාවේ අනාගතයට විනාශයක් ගෙන නොඑන්නේ ද?
පේරුවියානු-ඇමරිකානු ලේඛකයෙකු වන ඩැනියෙල් ඇලාර්කොන් වරක් පැවසුවේ, “ඥාතී සංග්‍රහය යනු දූෂණයේ පහත්ම හා අවම පරිකල්පනීය ස්වරූපය වන බව” යි. ජාත්‍යන්තර බර ඉසිලීමේ ඉසව් සඳහා ක්‍රීඩකයින් තෝරා ගැනීමේ දී ජයතිලකවරුන් විසින් එය හසුරුවන ආකාරය සම්බන්ධයෙන් එය පැහැඳිළිවම සත්‍යයක් බව ඔප්පු වේ.
පහත දැක්වෙන හෙළිදරව්වෙන් මේ රටේ ක්‍රීඩාවට සැබවින්ම සිදුවෙමින් තිබෙන්නේ කුමක්ද යන්න පිළිබඳව අවබෝධයක් ලැබෙනු ඇතැයි මා අවංකවම බලාපොරොත්තු වෙමි,
පොදුරාජ්‍ය මණ්ඩලීය බර ඉසිලීමේ ශූරතාවලිය දෙසැම්බර් මාසයේ දී කැනඩාවේ සහ ආසියානු ක්‍රීඩා උළෙලේදී පැවැත්වීමට නියමිතය..., කැනඩාවට යන කණ්ඩායමේ අවසාන කප්පාදුව සිදු කරන්නේ කවුරුන්ද යන්න තීරණය කිරීමේ දී ප්‍රධාන විනිසුරුවරයා ලෙස තමන් විසින්ම පත් කර ගත් ජ්‍යෙෂ්ඨ ජයතිලකගේ බලපෑම්වලට යටත්ව තෝරා ගැනීම් සඳහා මාස 2 කට පෙර අතුරු කමිටුව පිහිටුවා ගත් විට මෙම ගැටළුව ආරම්භ විය.
මිනිස් ජාවාරම සම්බන්ධයෙන් චෝදනා එල්ල වීමෙන් එක්සත් ජනපදයට ඇතුළුවීම තහනම් කර තිබෙන මොතිලාල් ජයතිලක විසින් ඔහුගේම ඇකඩමියේ කොළඹ බර ඉසිලීමේ සමාජයේ (සීපීසී) ඔහුම පුහුණුකරු වූ ඔහුගේම පුතා සහ කණ්ඩායමේ සාමාජිකයින් වෙනුවෙන් අවසාන අධිකාරිය / විනිසුරුවරයා බවට පත්වීම පැහැඳිළිවම ගැටුම්කාරී තත්වය කි.
2019 ජුලි මස 05 වන දින පැවති ජාතික සුදුසුකම් රැස්වීමේ දී සියලුම තරඟකාරී ක්‍රීඩක ක්‍රීඩිකාවන්ට උදේ 7.30 ට පැමිණ සිටින ලෙස දැනුම් දී තිබුණ ද ඒ සඳහා ප්‍රකාශිත කාලසටහනක් නොතිබූ අතර පැමිණ සිටි සියල්ලන්ම පොරොත්තු කාමරයක සාඩින් මෙන් අසුරා සිටිය දී නිලධාරීන් තම අභිමතයන් අනුව විවේක ගනිමින් සිටිනු දක්නට ලැබිණි. අවසාන බර ඉසිලීමේ හා අධිබර ඉසිලීමේ කාණ්ඩය ඇත්ත වශයෙන්ම හිතාමතාම පසු දා අලුයම 2.30 ට පමණක් පවත්වන ලදී…, මේ ආකාරයේ ක්‍රීඩාවල දී ක්‍රීඩක ක්‍රීඩිකාවන්ට ඔවුන්ගේ උපරිමය ලබා දීම සඳහා අවශ්‍ය නිසි මානසික තත්වයක් සහ නිසි විවේකයක් ලබා ගැනීම වැදගත් වන බව සඳහන් කළ යුතු ය.
ජයතිලකවරුන් සහ ඔවුන්ගේ අනුබද්ධ නිලධාරීන් වන එස්.වයි.ඩබ්ලිව්. රූපසේන ඇතුළු අය විසින්, ප්‍රතිවාදී යෝග්‍යතා සමාජ වලින් පැමිණෙන සියලුම ක්‍රීඩක ක්‍රීඩිකාවන් අසමත් කොට කනිෂ්ඨ ජයතිලක ක්‍රීඩකයාට ඔහුගේ අතීත දස්කම් මත පදනම්ව පැහැදිලි කොළ එළියක් ලබා දීම සඳහා හිතාමතාම ප්‍රමාද කිරීම සහ ක්‍රීඩක ක්‍රීඩිකාවන්ට කරදර කිරීම පුදුමයක් නොවේ. මෙය සදාචාර විරෝධී පමණක් නොවන අතර ජාතික සුදුසුකම් අවශ්‍යවන ඕනෑම ක්‍රීඩා ආයතනයක නීති උල්ලංඝනය කිරීමක් ද වේ.
මීට අමතරව, නිලධාරි විනිසුරු මොහොමතිල් ජයතිලක විසින් තරඟකයක දී සුදු කොඩිය ඔසවන ආකාරය දැක්වෙන වීඩියෝවක් ඇත. පසුව ඔහු විසින් කාන්තා තරඟකාරිය ප්‍රතිවාදී සමාජයෙන් බව වටහා ගත් පසු රතු කොඩිය ඔසවා ඇයව නුසුදුස්සකු බවට පත් කරයි.
රන්සිලු ජයතිලක සහ ඔහුගේ කණ්ඩායමට සිටින සැබෑ අභියෝගකරුවන් (බර ඉසිලීමේ ක්‍රීඩකයින්) විසින් බර ඉසිලීම පටන් ගත් විට ජයතිලකවරුන් විසින් රූපවාහිනිය සහ ජූරි මණ්ඩලය ඉවත් කරනු ලැබී ය. මෙය බලය අයුතු ලෙස භාවිතා කිරීම හෝ අනුග්‍රහය දැක්වීම පිළිබඳ පවතින ඔනෑම හෝඩුවාවක් තුරන් කිරීමකි!
විවාහක රන්සිලු ජයතිලක සහ වත්මන් ශූරයා 2011 දී (මෙතිල්හෙක්සෙනමයින්) ඖෂධය භාවිතා කිරීම හේතුවෙන් වසර 2 ක කාලයක් සඳහා ක්‍රීඩාවෙන් තහනම් කර තිබේ. පෙනෙන්නට ඇති ආකාරයට, ඔහුට කාන්තා ව්‍යායාම කරන්නන්ට එරෙහිව අනිසි ලෙස හැසිරුණු ඉතිහාසයක් තිබෙන අතර රාත්‍රී සමාජශාලා ජාලයන් තුළ දී ද කාන්තාවන්ට හිරිහැර කිරීම පිළීබඳව ප්‍රසිද්ධියක් උසුලයි. එය ඔහුගේ පෞද්ගලික ජීවිතය වුව ද, ක්‍රීඩකයෙකු වැරදි ලෙස හැසිරීම ඇත්ත වශයෙන්ම මහත්මයෙකුට නුසුදුසු දෙයකි!
එසේම තම නරක හැසිරීම පිළිබඳව ඔහුගේ කනස්සල්ල අවම වන අතර ඔහු විනිසුරුවරුන් හැසිර වූ ආකාරය සහ ඔහුට සහ ඔහුගේ පියා සහ ඔහුගේ පෞද්ගලික ඇකඩමිය විසින් පුහුණු කරන ලද කණ්ඩායමේ සාමාජිකයින්ට ගැලපෙන පරිදි විනිසුරුවන් හැසිර වූ ආකාරය සහ තෝරා ගැනීමේ ක්‍රියා පටිපාටිය පිළිබඳව පුරසාරම් දොඩමින් ඔහු තවත් ක්‍රීඩකයෙකුට වට්ස්ඇප් පණිවිඩයක් යවා තිබේ.
පණිවිඩයේ උපුටා ගැනීම් පහත පරිදි වේ - “Mess with me, and I will make sure you and your sheep squad will run out of power lifting soon…, තවත් පණිවිඩයකින් රන්සිලු මෙසේ පවසයි – “Ha ha I took ur whole team down alone bro… from changing the federation… putting judges.. it is all me... fight back and see what you all gonna get..)))”!
මෙම ලිපියේ පළ වන වට්ස්ඇප් පණිවිඩවල තිර පිටපත ගරු ක්‍රීඩා අමාත්‍ය හරින් ප්‍රනාන්දු මහතාගේ අවධානයට යොමු වනු ඇතැයි අපේක්ෂා කෙරේ. අවසාන වශයෙන් ස්වාභාවික මරණයකින් ක්‍රීඩාව මිය යාමට පෙර, ඔහු විසින් අතුරු කමිටුවේ මෙන්ම ප්‍රධාන මණ්ඩලයේ ද බලය අයුතු ලෙස පරිහරණය කිරීම පිළිබඳව බැරෑරුම් ලෙස අවධානය යොමු කරනු ඇති බවත්, සුදුසුකම් ලත් ක්‍රීඩක ක්‍රීඩිකාවන්ට සහ ක්‍රීඩිකාවන්ට ශ්‍රී ලංකාව නියෝජනය කිරීමට අවස්ථාව ලබා දීම සඳහා අර්ථවත් පියවර ගනු ඇති බවත් අපි බලාපොරොත්තු වෙමු.
දේශපාලනඥයින්ට සහ විෂය ඇමතිවරුන්ට පැමිණ යා හැකි නමුත් සුදුසුකම් ලත් ක්‍රීඩක ක්‍රීඩිකාවන් දහස් ගණනකගේ ජීවිත හා අභිලාෂයන් සමඟ විශේෂයෙන් ඔවුන් ‘එතරම් වරප්‍රසාද නොලත්’ පසුබිම්වලින් පැමිණි විට සෙල්ලම් කිරීම අපරාධයක් වනු ඇත. ඇමති හරින් ප්‍රනාන්දුට බලපෑම් කළ හැකි අය අතර මිතුරන් සිටිය හැකි නමුත් ඉහත සඳහන් අක්‍රමිකතා නොසලකා හැරියහොත් ඊළඟ මැතිවරණයේදී ඔහු නිසැකවම විනිශ්චය කරනු ඇත!
- අයන් මෑන්
