මේ අනුව ලසන්ත වික්‍රමතුංග , වසීම් තාජුඩීන් ඝාතන, කීත් නොයාර්ට පහර දීම, ත්‍රිකුණාමලය නාවික හමුදා කඳවුරදී යේදී ශිෂ්‍යන් 5 දෙනෙකු ඇතුලු පුද්ගලයන් 11 දෙනෙකු ඝාතනය කිරීම සහ මුත්තූර් හී සහන සේවා සේවකයන් 17 දෙනෙකු ඝාතනය කිරීමට අදාල විමර්ශන වාර්ථා නීතිපතිවරයා විසින් මෙලෙස ඉල්ලා ඇත.
ඒ කෙසේ නමුත් වත්මන් නීතිපති දප්පුල ලිවේරා එම තනතුරට පත් වීමෙන් පසුව වර්ශ කිහිපයක් තිස්සෙ විමර්ශනය කෙරෙමින් පැවැති අපරාධ කිහිපයක් ගැනම නඩු පැවැරීමට ඉක්මන් වී තිබිණි. ඒ අතර ඇවන්ගාඩ් සිදුවීම මහ බැංකු බැඳුම්කර සිදුවීම විශේෂය. එහෙත් කිසි වග විභාගයකින් තොරව පවරනු ලැබූ නඩු කිහිපයක්ද එම චෝදනා ගොනු කිරීමෙහි ඇති අඩුපාඩු නිසා විත්තියට වාසිදායක ලෙස අධිකරණ තීන්දු ලැබිණි. හදිස්සි කාරයකු ලෙස ප්‍රකට නීතිපතිවරයා ගේ විචක්ෂණ භාවයෙන් තොර කටයුතු නිසා බරපතල අපරාධ කළ චූදිතයන්ට පහසුවෙන් නීතියෙන් ගැලවී යාමට හැකි අවස්ථා නිර්මාණය කර දී ඇති බවට නීතික්ෂේත්‍රයේ ප්‍රවීණයන්ගෙන් චෝදනා එල්ල වෙමින්ද තිබේ.
