පසුගියදා අමරිකානු තානාපතිනිය මෙරට මාධයවේදින් කිහිප දෙනෙකු සමඟ අමරිකානු තානපති කාර්යාලයේදී පැවැති හමුවකදී ගොඨාභයගේ පුරවැසිභාවය් ඉවත් කිරීම සඳහා පවතින ක්‍රමවේදය පැහැදිලි කර තිබිණි. ඒ අනුව ඉදිරි ලැයිස්තුවට ඔහුගේ නම ඇතුලත් විය හැකි බව පවසා තිබිණි.
මේ අතර තානපති කාර්යල ජේෂ්ටයකු රජයේ ප්‍රබලයකු හා පසුගියදා පවසා තිබෙන්නේ ගොඨාගේ පුරවසිභාවය ඉවත් කිරීම සඳහා බාධාවක් නොමැති බවය. මේවන විට අමරිකාව සමඟ වන සොෆා සහ ඇක්සා ගිවිසුම් අත්සන් කිරීමට වත්මන් ආණ්ඩුව විසින් අදිමදි කරමින් සිටීන අතර ඊට හේතුව ලෙස විපක්ෂයෙන් එල්ල වන විරෝධතා බව පෙන්වා දී තිබේ.
කෙසේ නමුත් ගිවිසුම් වල මුල් අදියරෙහි ගිවිසුමට එවකට ආරක්ෂක අමාත්‍යංශ ලේකම්වරයාව සිටි ගොඨාභය රජපක්ෂ අත්සන් කර තිබීම ගැනද මෙම නිලධාරියා සිහිපත් කර තිබේ. ආණ්ඩුව විසින් කල් මැරීම නිසා අමරිකාව මෙම ගිවිසුම් අත්සන් කිරීම ජනාධිපතිවරණයෙන් පසුවට කල් තැබූ අතර අනාගත ජනාධිපතිවරයාගේ අනුමැතිය සහිතව මෙම ගිවිසුම් අත්සන් කිරීමට බලාපොරොත්තුවෙන් සිටී.
ගොඨාභය රාජපක්ෂ ජනාධිපතිවරයා ලෙස පත් වුවහොත් මෙම ගිවිසුම බලාත්මක කර ගැනීමෙහි උත්සාහය තුල ඔහු සමඟ එකඟතාවයකට පැමිණීම සඳහා මේ වන විට යම් උත්සහයක් ගනිමින්ද තිබෙන බව වාර්තා වේ.
ඒ අනුව කල්පනා කළ හැක්කේ ගිවිසුමට ගොඨාභය දක්වන එකඟතාවය අනුව ඔහුගෙ පුරවැසිභාවය අහොසි කිරීමේ කටයුතු ඉක්මන් වනු ඇති බවය.
ගෝඨාභය රාජපක්ෂගේ ඇමරිකානු පුරවැසිභාවය හා ඇමරිකානු අවශ්‍යතා සම්බන්ධයෙන් අදහස් දක්වන දේශපාලන විචාරකයකු වන ප්‍රවීණ මාධ්‍යවේදී කුසල් පෙරේරා වෙබ් අඩවියකට මේ සම්බන්ධයෙන් පවසා තිබුණේ
''මේ ආණ්ඩුවෙන් දැන් ඇමෙරිකාවට SOFA අත්සන් කරගත නොහැක. එය කළ හැක්කේ අලුතින් පත්වන හමුදා සහායද ලබාගත හැකි ජනප්‍රිය සිංහල බෞද්ධ නායකයෙකුට පමණි. 2007 මාර්තු වේදී ගෝඨා ACSA අත්සන් කෙරුවේ Fifth Columnist කෙනෙකු ලෙසිනි. එනිසා එවැන්නෙකු රාජ්‍ය නායකයාවීම හා ඇමෙරිකානු අවශ්‍යතාව අතර ප්‍රතිවිරෝධයක් තිබිය නොහැක.''යනුවෙනි.
