අඊයේ පැවැති එජාප ජෙෂ්ඨයන්ගේ සාකච්ඡාවකදී මෙ බව රනිල් වික්‍රමසිංහ පැවසූ බව ද මෙම ව්‍යාජ පුවතේ සඳහන්ය. එහෙත් එම රස්වීමේදී මේ සම්බන්ධයෙන් කිසිදු කතා බහක් සිදුව නොමැත. එසේම මේ පිළිබඳ අග්‍රාමත්‍ය ලේකම් සමන් එ්කනායකගෙන් කළ විමසීමේදි ඔහු එවැන්නක් ගැන කිසිදු නොදන්න බව පැවැසීය.
කෙසේ නමුත් සජිත් ප්‍රේමදාස ඉලක්ක කර ගනිමින් රවී කරුණානායක මෙම චෝදනාව දැන් කලක සිට කරමින් සිටින අතර ඊයේ දිනයේදී ඔහුගෙන් වැ‍ටුප් ලබන සමාජ ජාලා ක්‍රියාකාරිකයන් විසින්ද මෙම ව්‍යාජ පුව බෙදා හරිමින් තිබිණි.
ඇමැති සජිත් ප්‍රේමදාසගෙන් මේ පිළිබඳ විමසීමේදී ඔහු පවසා සිටියේ මධ්‍යම සංස්කෘතික අරමුදලේ මුදල් වැය වූවානම් ඒ සම්බුද්ධසාසනයේ සහ පුරා විද්‍යාත්මක වටිනාකමක් ඇති ස්ථාන නඩත්තුව සහ අභිවෘද්ධිය වෙනුවෙන් පමණක් බවත් මහ බැංකුව කොල්ල කාලා ඒ සල්ලි වලින් මන්දිර හදපු අය මෙම චෝදනාව කරන්නෙ සම්බුද්ධසාසනය විනාශ කිරීමට බවත් පැවැසීය. මේ වන විට ශ්‍රීලංකාවේ භික්ෂූන් බහුතරයක් තමා සමඟ සමීපව කටයුතු කිරීම ප්‍රිය නොකරන අයට අවශ්‍ය වී තිබෙන්නේ බුද්ධ සාසනය විනාශ කිරීමේ වුවමනාව බවත් ඔහු අවධාරණය කළේය.
