කොළඹ අගරදගුරු කාදිනල් මැල්කම් රංජිත් හිමිපාණන්ව බැහැ දැක දේශපාලන වාසියක් ලබාගැනීම සඳහා බලවත් උත්සාහයක දී සිටින නන්දසේන ගෝඨාබය ගේ 'වියත්මඟ' ප්‍රධානින් කිහිප දෙනෙකු ඒ සඳහා වතිකානූවේ වෙසෙන ශ්‍රී ලාංකීය පියතුමකුගේ සහය ලබාගැනීමට කටයුතු කර තිබේ.
මෙසේ 'වියත්මඟ' ප්‍රධානින් සිය ව්‍යාපෘතිය සඳහා ඉත්තකු කර ගැනීමට කටයුතු කරමින් සිටින පියනම කතෝලික ප්‍රජාව අතර අපකීර්තියට ලක්ව සිටින නෙවිල් ජෝ නැමැත්තෙකි. වතිකානුව තුල ද අවස්ථා කිහිපයකදීම බීමත්ව සහ අශෝභන ලෙස හැසිරෙමින් කතෝලික ජනතාව අතර මහත් අප්‍රසාදයට ලක් වී ඇති එම පියනම, විශේෂයෙන් වතිකානූව නැරඹීමට අවස්ථාව සලසා දෙන බව පවසමින් සංචාරකයින් ගෙන් විශාල වශයෙන් ඔහූ මූදල් අයකරන්නෙකු ලෙසද ප්‍රසිද්ධියට පත්වූවෙකි.
මේ අතර නන්දසේන ගෝඨාබයගේ හිතවතුන් පිරිසක් විසින් රදගුරු මැඳුරේ අභ්‍යන්තර කවයේ තොරතුරු ලබාගැනීම සඳහා කිහිප දෙනෙකු උපාය දූතයින් ලෙස යොදගෙන ඇතිබව ද වාර්තාවේ.
විශේෂයෙන් ම කාදිනල් රංජිත් හිමිපාණන් කෙරෙහි රටේ ජනතාව තුළ තිබෙන විශ්වාසය සහ ගෞරවය ඉතා සූක්ෂම ලෙස දේශපාලන අරමුණු වෙනුවෙන් යොදාගැනීමට නන්දසේන කටයුතු කරමින් සිටින බව පැහැදිලිය.
මීළඟ ජනාධිපතිවරණයට ඉදිරිපත් වන කිසිදු අපේක්ෂකයෙකු තමන් හමුවීමට නොපැමිණෙන ලෙස කාදිනල් රංජිත් හිමිපාණන් මිට ඉහතදී ප්‍රකාශ කර තිබුන ද උන්වහන්සේ හා පොහොට්ටු පක්ෂයේ ජනාධිපති අපේක්ෂක නන්දසේන අතර හමුවක් ඉක්මනින්ම සංවිධානය කර ගැනීම මෙම කුමන්ත්‍රණ කාරීමෙහෙයුමේ අරමුණය.
