විධායක ජනාධිපති ක්‍රමය අහෝසි කිරීම සඳහා වන සාකච්ඡාවකට ජනාධිපති මෛත්‍රිපාල සිරිසේන ගේ ආරාධනයෙන් රනිල් වික්‍රමසිංහ සහභාගි වූ බව රවි කරුණායක මාධ්‍යයට පවසා ඇත.
ජනාධිපතිවරණයට මාස කිහිපයක් තිබියදී හදිස්සියෙම ජනාධිපතිවරයා සහ අගමැතිවරයාට විධායක ජනාධිපතිධුරය අහෝසි කිරීමට මතක් වීම කුහුල දනවන පුවතකි.
ජනාධිපතිවරණය සඳහා ජයග්‍රහණය කළ හැකි එජාපය ශක්තිමත් අපේක්ෂකයකු ලෙස සජිත් ප්‍රේමදාස ඉදිරිපත් කිරීමට දැඩි ඉල්ලීමක් පක්ෂය වෙතින්ම පැන නැගි ඇති මොහොතක එජාප නායකයා ජනාධිපතිධුරය අහෝසි කිරීම සඳහා ජනාධිපතිවරයා සමඟ හදිස්සියෙම රහසේ කටයුතු කිරීම එජාපයේ මැති ඇමැතිවරුන්ට බරපතල ප්‍රශ්නයක්ව තිබෙන බව එජාප මැති ඇමැතිවරුන් පවසයි.
එසේම පක්ෂයේ කෘත්‍යධිකාරී මණ්ඩලයේ හෝ පාර්ලිමේන්තු කණ්ඩායමේ හෝ අනුමැතියකින් තොරව එවැනි සාක්ච්ඡාවක් පැවැත් වීම ගැන රනිල් වික්‍රමසිංහගෙන් කරුණු විමසමින් විනය පරීක්ෂණයක් පැවැත්විය යුතු බව ඇමැති සුජීව සේන සිංහ මේ වන විටත් එජාප මය ලේකම්වරයාට ලිපියක් යොමු කර තිබේ.
පසුගියදා සුජීව සේනසිංහ හා අජිත් පී පෙරේරා යන ඇමැතිවරුන්ට පක්ෂයේ අනුමැතියකින් තොරව ජනාධිපතිවරණය ගැන කරුණු දැක්වූවා යැයි විනය පරීක්ෂණයකට කැඳවීම එජාප මහ ලේකම් අකිල විරාජ් විසින් සිදු කර තිබිණි.
