අති දැවැන්ත ප්‍රචාරක පුවරු කඩා වැටීම නිසා, කාන්තාවක් හා දරුවන් දෙදෙනෙකුත් තුවාල ලබා රෝහල් ගතකර ඇත, හිසට බලපතල තුවාල සිදු වූ කුඩා දරුවා දැඩිසත්කාර එකකයේ ප්‍රතිකාර ලබන බව වාර්තා වේ.
ජනතා මුදල් කාබාසිනියා කරමින් රටේ ජනතාවගේ බදු මුදල් ගසා කමින් රාජපක්ෂ පාලන සමයේ අනවශ්‍ය වියදම් දරමින් ඊනියා සංවර්ධන ව්‍යාපෘතිය සදහා වියදම් වූ මුදලට වඩා වැඩි මුදලක් රාජපක්ෂලාගේ ප්‍රචාරක කටයුතු සදහා වැය කළ බව අමුතුවෙන් සදහන් කළ යුතු නැත.
මෙම පොහොට්ටු ප්‍රචාරක තොරණ ජීවිත බිලි නොගෙන කඩා වැටීම වාසනාවකි. අද දින නිවාඩු දිනක් බැවින් මෙම ප්‍රචාරක තොරණ කඩා වැටුමෙන් සිදු වු හානිය අවම වී තිබේ. මහරගම නගරය යනු ජනතාව නිතර ගැවසෙන, ,පාසල් ළමුන් නිතර ගැවසෙන කාර්ය බහුල නගරයකි. සතියේ දිනක මෙසේ කඩා වැටුනේ නම් ජිවිත හානි සිදු වීමට පවා හැකියාව තිබිණි. එවැනි ජනාකීර්ණ නගරයක මෙසේ වගකිම් විරහිත ප්‍රචාරක පුවරු සවී කිරිම තුලින් පෙන්නුම් කරන්නේ පොහොට්ටුවේ දේශපාලුවන් ජනතාවට හෙණ ගැහුව්වත් කමක් නෑ අපි නැවත බලය ලබා ගතයුතු බවය.
