මේ වන විට පොදු ජන පෙරමුනේ නායකයා ලෙස මහින්ද රාජපක්ෂ කටයුුතු කළත් එම පක්ෂයේ අයිතිකරු ලෙස බැසිල් රාජපක්ෂ කටයුතු කරයි. ඒ අනුව එම පක්ෂයේ නිල නොවන නායකයා වන්නේ බැසිල් රාජපක්ෂය. එම තත්වය තුල මහින්ද රාජපක්ෂට ශ්‍රීලනීපයේ නායකත්වය බාර ගැනීමට කිසිදු අසීරුතාවයක් නොමැති බව එම ජේෂ්ඨයන්ගේ මතය වී තිබේ.
ඒ කෙසේ නමුත් පසුගිය ජනාධිපතිවරණයෙන් පසුව මෛත්‍රීපාල සිරිසේන පාර්ශ්වයට සහය දැක්වූ ශ්‍රීලනීප සාමාජිකත්වය රාජපක්ෂවරුන්ගේ නායකත්වය පිළිගැනීම සම්බන්ධයෙන් නිශ්චිත යමක් කිව නොහැකි නමුත් 2015 ට පෙර එම සාමාජිකයා සිටියේ රාජපක්ෂවරුන්ගේ නායකත්වය පිළි ගනිමිනි.
මේ අතර දේශපාලන විචාරකයන් පෙන්වා දෙන්නේ ජනාධිපති මෛත්‍රීපාල සිරිසේන විසින් ශ්‍රීලනීපයේ නායකත්වය බාර ගැනීමෙන් සිදු වූයේ ශ්‍රීලනීපය මුළුමනින්ම විනාශ කර දැමීමක් බවය. ශ්‍රීලනීපය විනාශ කර දමා පොදුජන පෙරමුණ පෙරමුණ ගොඩ නැංවීමට අවශ්‍ය පහසුකම් සැලසීමද සිරිසේන විසින් සිදු කෙරුණු කටයුත්තක් බව ඔවුන් පෙන්වා දෙයි..රාජපක්ෂ්වරුන්ට එල්ල වූ අපරාධ චෝදනා හමුවේ ඔවුන්ව ආරක්ෂා කිරීම ද සිරිසේන විසින් සිදු කරනු ලැබූවක් බවත් ඔවුන් පෙන්වා දෙයි.
කෙසේ නමුත් මේ තත්වයන් යටතේ ශ්‍රී ලනීපයට උරුමකම් කියන හිටපු ජනාධිපතිනි චන්ද්‍රිකා බණ්ඩාරනායක ඇතුලු කණ්ඩායම් මහින්ද රාජපක්ෂට යළි ශ්‍රීලනීපයේ නායකත්වය හිමි කරදීමට අවස්තාවක් ලබා නොදෙනු ඇතැයි එම පාර්ශ්වයේ තොරතුරු මාර්ග පවසයි. බොහො විට එම පාර්ශ්වය මෙවර ජනාධිපතිවරණයේදී නව ප්‍රජාතන්ත්‍රවාදී පෙරමුණේ අපේක්ෂකයාට සහය දීමේ තීරණය ගනු ඇතැයිද පැවසේ. ශ්‍රීලනිපයේ මුලික ප්‍රතිපත්ති වලට ගැලපෙන ප්‍රතිපත්තිමය කරුණු සහිතව මෙවර ජනධිපතිවරණයට ඉදිරිපත්වන අපේක්ෂකයන් අතරින් ශ්‍රීලනීපයට එකඟ විය හැකි අපේක්ෂකයා සජිත් ප්‍රේමදාස බවත් මෙ අවන විටත් පෙන්නුම් කර තිබෙන තත්වයන් හමුවේ ශ්‍රිලනිපයේ රාජපක්ෂ විරෝධි කණ්ඩායමේ සහය සජිත් ප්‍රේමදාස වෙත ලැබෙණු ඇත.
