මුල් අවස්ථාවේදී අලි සබ්‍රි විසින් ගොටාගේ දිවුරුම් ප්‍රකාශය ලෙස ප්‍රසිද්ධ කළ ලේඛනයෙහි මුද්දර මත ගොටාබයගේ අත්සන රහිතව ප්‍රසිද්ධ කර තිබිණි .පසුව ඒ අඩු පාඩුව ඇතැමුන් විසින් හෙළි කිරීමේදී ගෝටබයගේ අත්සන යැයි කියන අත්සනක් සහිතව පැයක පමණ කාලයක තුලදී දෙවන ලේඛනයද සමාජ මාධ්‍ය තුල ප්‍රකාශයට පත් කර තිබිණි.
එහෙත් මේ ලේඛන දෙකම පිලිගැනීමට නොහැකි ලේඛන බව නිති වේදීන් පෙන්වා දෙයි. මන්ද මේ දිව්රුම් ප්‍රකාශ දෙකම සහතික නිලධාරියා ලෙස සඳහන් වන ජී. කේ. ඒ. සී.කේ කුලරත්න නැමැති සාමදාන විනිශ්චයකාර නීතිඥවරයා යනු විපක්ෂ නායක මහින්ද රාජපක්ෂගේ අතිරේක ලේකම් වරයා ලෙස කටයුතු කරන තැනැත්තාය. මීට පෙර පරිපාලන සේවයේ නිලධාරියකු ලෙසද මොහු කටයුතු කළ තැනැත්තෙකි.
ඔහු මෙම ලේඛන සහතික කිරීම නීති විරෝධි වන්නේ ලබැදියන් අතර ගැ‍ටුම මෙහිදී බලපවත්නා නිසාය. තම සහොදරයාගේ ලේකම්වරයකු ලවා දිවුරුම් ප්‍රකාශයක් ලබා දීම පිලිගත හැක්කක් නොවේ. අනිවාර්යෙන්ම නීතිය හමුවෙ ප්‍රතික්ෂේප වන්නකි.
ඒ අනුව නාම යෝජන ලබා ගැනිම උදෙසා මේ දි තිබෙන ලේඛනය කූට ලේඛන ලෙස අවලංගු ලේඛනයක් බවට සැලකෙන අතර යම් ලෙසකින් ඉදිරියේදි ගෝටාගේ පුරවැසි භාවය සම්බන්ධයෙන් ඉදිරිපත් වන නඩු විභාගයකදී හෝ ඡන්ද පෙත්සමකදී මේ මුලික ලේඛනයම අවලංගු වන බැවින් ගොටාබය ජනාධිපතිවරණය ජය ගත්තද එය ප්‍රතික්ෂේප වනු ඇත. එසේම මෙම දිවරුම් ප්‍රකාශය අත්සන් කිරීම දැන දැනම කළ සදාචාර විරෝධී අනීතික කටයුත්තක් වන නිසා මේ නිතීඥවරායට එරෙහිව ද නිත්‍යානු කූලව කටයුතු කිරීමෙ හැකියාවක් ඇත.
