ගොටාබය රාජපක්ෂ පාර්ශ්වය නියොජනය කරන මහින්දානන්ද අලුත් ගමගේ දෙරණ අධිපති දිලිත් ජයවීර සහ වියත් මඟ කණ්ඩායම දැඩිව ප්‍රකාශ කරන්නේ මහින්ද රාජපක්ෂට අගමැතිධුරා ලබා නොදිය යුතු බවය.
අයියා මලෝ දෙන්න ජනාධිපතිධුරයත් අගමැතිධූරයත් හෙබවීම නිසා බරපතල සදාචාරාත්මක ගැටලුවක් ඇති වන බවට එම පිරිස පෙන්වා දෙයි. මේනිසා දිනේශ් ගුණවර්ධනය අගමැතිධුරය ලබා දිය යුතු බව මෙම කණ්ඩායම යෝජනා කරයි
එහෙත් මේ තීරණයට මහින්දවාදී පිරිස එක හෙලාම විරුද්ධ වී ඇත. ගොටාබය ජනාධිපති පු‍ටුවට පත් වූයේ මහින්ද රාජපක්ෂ ප්‍රතිරූපය සහ ඔහුගේ සහය ලබා ගනිමින් නිසා අගමැති ධුරය ඔහුට ලබා දීමේ යුතුකමක් තිබෙන බව නාමල් රාජපක්ෂ ඇතුලු පිරිසේ මතය වී තිබේ.
කෙසේ නමුත් ගොටාබය රාජපක්ෂගේ උද්දච්ඡ වැඩ පිලිවෙල නිසා පෙර සිටම මහින්ද රාජපක්ෂ පාර්ශ්වය සිටියේ ගොටා විරෝධී ස්ථාවරයකය. මෙ වන විට ගොටබය, පවුලේ උරුමය වූ සාටකයද පැත්තකට විසි කර තමන්ගේ වෙනම ගමනක් නිර්මාණය කර ගනිඹින් තිබේ.
මේ තත්වය මත පොදුජන පෙරමුණේ පක්ෂ සාමාජිකයකුද නොවන ගොටබය සමග ඉදිරියේදී ගනු දෙනු බේරා ගැනීම එම පක්ෂයට බරපතල අසීරුතාවයන්ට මුහුණ දීමට සිදු වෙනු ඇති බව එම පක්ෂ ආරංචි මාර්ග පෙන්වා දෙයි
