ඒ අනුව ජනාධිපතිවරයා විසින් ඉදිරි දිනකදී මෙම කරුණ ශ්‍රේෂ්ඨාධිකරණයට ඉදිරිපත් කරනු ඇති බව වාර්තා වෙයි.
ජනාධිපතිවරණ පනතට අනුව ජනාධිපතිවරණය ප්‍රකාශයට පත්කර දින 35 ත් 65 ත් අතර කාලය තුළ ඡන්ද විමසීම සිදුකළ යුතු වෙයි.
පාප්වහන්සේ ලබන ජනවාරි මස 13 වැනිදා ලංකාවට පැමිණේ. ඊට පෙර ජනාධිපතිවරණය පවත්වා අවසන් කිරීම ආණ්‌ඩුවේ අදහස වී තිබේ. නමුත් ජනාධිපතිවරයාගේ දෙවන ධුර කාලයේ සිව්වන වර්ෂය අවසන් වන නොවැම්බර් 19 වැනිදායින් පසුව මැතිවරණයට යැමට නියමිත දින ගණන ප්‍රමාණවත් නොවුණහොත් ඇතිවිය හැකි ගැටලුවලට විසඳුමක්‌ ලෙස මෙලෙස කලින් ඡන්දය ප්‍රකාශයට පත්කළ යුතු බව ආණ්‌ඩුවේ මතය වී ඇත.
ජනාධිපතිවරයා විසින් සිය අභිමතය පරිදි ජනපතිවරණය ප්‍රකාශයට පත් කළද ජනාධිපතිවරණයේ නාම යෝජනාපත්‍ර කැඳවීම හා ඡන්ද විමසන දිනය මැතිවරණ කොමසාරිස්‌වරයා විසින් ප්‍රකාශයට පත් කරනු ලැබිය යුතුය.
(දිවයින)
