බදියුදීන් මහතාව අත් අඩංගුවට ගැනිමට දින දෙකක් තිස්සෙ පොලිසිය වෙහෙසෙමින් සිටී. එහෙත් ඔහු ආගිය තැනක් ගැන කිසිදු තොරතුරක් පොලීසියට වාර්තා වී නැත. ඔහුගේ ආරක්ෂාවට සිටි පොලිස් නිලධාරියා සහ ඔහුගේ කාර්යාල සහයකයකු අත් අඩංගුවට ගැනීමට නම් පොලිසිය සමත් වී තිබු බවත් ඊයේ වාර්තා විය.
බදියුදීන් මහතාව අත් අඩංගුවට ගැනීම සඳහා පොලිසියට සහය වීම වෙනුවෙන්. තමන්ගේ නිවාස පරිශ්‍රයෙහි අහුමුළුවල ඔහු සැඟවී නැති බවට ප්‍රසිද්ධියේ ප්‍රකාශයට පත් කරමින් සමාජ ජාලා ක්‍රියාකරුවන් රැසක් මේ වන විට පොලීසියට අනගි සහයක් ලබා දෙමින් තිබේ. තමන්ගේ ෆේස්බුක් ගිණුමේ ඡායාරූපය සමඟ ''බදියුදීන් මාගේ නිවසේ නැත'' යන පණිවිඩය සමඟ ආකර්ශනීය මෙහෙයුමක් ද මේ වන විට ක්‍රියාත්මකව පවතී.
ඒ කෙසේ නමුත් වත්මන් ආණ්ඩුව බලයට පත් වීමෙන් පසුව මෙසේ අත් අඩංගුවට ගැනීම සඳහා අධිකරණ නියෝගද ලැබු පසුගිය ආණ්ඩුවේ ප්‍රබලයන් මෙන්ම වත්මන් ආණ්ඩුවේ ප්‍රබලයන් රැසක්ද අත් අඩංගුවට ගැනීමට පොලිසියට නොහැකි වීම කැපී පෙනිනි.
මේ පොලිසියේ දුර්වලකමද පාලකයන්ගේ දුර්වලකමද නැති නම් දෙගොල්ලූම එක් වී ජනතවට විහිළු සපයමින් සිටිනවාද යන්න ගැන ද පැහැදිලිතාවයක් නැත. ඒ කොහොම නමුත් සමාජ ජාලාවල යන කතාව නම් පසුගිය පාස්කු ඉරිදා ප්‍රහාරය සිදු වන විට වත්මන් පාලකයන් බලයේ සිටියා නම් තවමත් රට පුරා බෝම්බ පිපිරිම නම් අඛන්ඩව සිදු වනු ඇති බවය. ඒ තරමට පාලකයන් සහ පොලිසිය දුර්වල බව ඔවුන්ගේ හැඟීම වී තිබේ.
එහෙත් අප දන්නා මේ රටේ දේශපාලනය අනුව නම් මේවා ඩීල් ය. ජනතාව ගොනාට අන්දවා ගහන ගේම්ය.
