දැන්වත් මේ කාලකණ්නි ජාතිකවාදීන් මෙල්ල නොවුණහොත් ඉදිරියේදී කන්න වෙනනේ මදුෂ් කාපු කෑමමය. ඒ කියන්නෙ මදුෂ්ට වෙච්ච දේම මේ ජාතිකවාදී චින්තනයටත් අත්වන බවය.
20 වන ආණ්ඩුක්‍රම ව්‍යවස්ථා සංශෝධනය ගෙන එන්නේ 19 අහෝසි කරනන්වත්, එහි ඇති දුර්වලතා අහෝසි කරවන්නවත්, මේ රට හෝ ජනතාව හෝ හැදීමටවත් නොවන බව අතිශයින්ම පැහැදිලි කරුණකි. මේ රාජපක්ෂ පවුලේ ආධිපත්‍යය තහවුරු කරන රාජාණ්ඩු පන්නයේ පාලනයක් ස්ථාපිත කිරීමට ගන්නා සුළු උත්සාහයකි. වීරවංශලාගේ ජාතිකවාදී ව්‍යාපාරය මේ රට සිංහල බෞද්ධ රාජ්‍යයක් කරන්න හෝ ඒ ලේබලය යටතේ මොනවා හෝ කරන්න අවංකව සිතුවත් දැන් ඒ කිසිසේත්ම සිදු නොවන බව ඉඳුරාම පැහැදිලි තත්වයකි. රාජපක්ෂලාට එහෙම ඔළුවේ අමාරු නැත. සිංහල බෞද්ධ අන්තවාදී සංවිධානවලට මුදල් පොම්පකරමින් පෝෂණය කළා සේ සහරාන්ලාගේ ඉස්ලාම් අන්තවාදී සංවිධානයටත් මුදල් පොම්පකර පෝෂණ කළේ මොකටදැයි මේ මෝඩ ජාතිකවාදීන්ට තවමත් තේරෙන්නෙ නැත. මේ දෙගොල්ල කොටවා පාස්කු ඉරිදා වැනි ම්ලේච්ඡ ප්‍රහාරයන් දක්වා මේ අන්තවාදී ත්‍රස්තයන්ව යොමු කළේ මොකටද කියා මේ සිංහල බෞද්ධ ජාතිවාදී මෝඩ නඩය කිසිදා තේරුම් නොගනුද ඇත. ඒ අනාගතයට බාර කරමු.
කොහොම වෙතත් දැන් රාජපක්ෂලාගේ බල වියරුවේ හැටියට ඒ නගුටේ එල්ලී ඉදිරියට යනවා හැර මේ මෝඩයන්ට වෙන කරන්න දෙයක් නැතිවීම, මේ රටත් පුරවැසියනුත් මේ යුගයේ ලැබූ මහ ජයග්‍රහණයක් ලෙස සැලකිය හැකිය..එහෙත් හෙට දිනයේදී 20 වන සංශෝධනය සම්මත කරගැනීම සිදුවුවහොත් එය මේ ජාතිවාදීන්ගේ පමණක් නොව මේ රටේ අවසානයද විය හැකිය. එය වීරවංශලා නොදන්නා කාරණයක් නම් අද ලැබුණු කණේ පහරෙන් පසුව හෝ මේ ගැන පුංචි හෝ දැනුමක් ලබන්න තරම් මොළ කළඳක් ඔවුන්ට තිබිය යුතු බව අපගේ හැඟීමය.
සියල්ලට වඩා තමන්ගේ හුදු පැවැත්ම, බඩගෝස්තරය පිළිබඳ ප්‍රශ්නය ලොකු නිසා හෙට දිනයේදි කවුරු කොහොම තීන්දු ගනීදැයි අපි නොදනිමු. සිංහල බෞද්ධ රාජ්‍යයක් ගැන හීන මවන විමල්ලාට ඒ කහකඩ සෙට් එකට කරන්න පුලුවන් කෙන්ගෙඩියක් තවත් ඉතුරු තීබේදැයි හෙට දිනයේදී පෙන්වීමට සිදුවනුද ඇත.
කොහොම නමුත් අවසන් වශයෙන් කියන්නවන්නේ සිංහල බෞද්ධ ජාතිවාදී මෝඩ මතවාදයට බැසිල් රාජපක්ෂ හෙංචයියන් ලවා එල්ල කළ ප්‍රහාරය නම් මල් හතයි කියාය.
