“ගම සමග පිළිසඳරක් තුළින් වැඩ සමග යළි ගමට” ජාතික වැඩසටහනේ අරලියගහ මන්දිරයේ පැවති බස්නාහිර පළාත් රැස්වීමට එක්වෙමින් බැසිල් රාජපක්ෂ මේ බව සඳහන් කර තිබේ. එසේම තම ආණ්ඩුව ජීවනෝපාය සංවර්ධනය වෙනුවෙන් රුපියල් මිලියන දස දහසක් වෙන් කර ඇති බවත්, සෑම ගමකටම කාන්තා ව්‍යවසායකයන් දෙදෙනෙකු තෝරා ගෙන වෙළෙදසැලක් පිහිටුවීමට වැඩපිළිවෙළක් සකස් කර ඇති බවත්, මත් උවදුර තුරන් කිරීමටද මෙවර අයවැයෙන් විශාල මුදලක් වෙන් කර ඇති බවත් ඔහු එහිදී පවසා තිබේ. පවතින වසංගත තත්වය පිළිබදවද අදහස් පලකළ සභාපතිවරයා පවසා සිටියේ බස්නාහිර පළාත ජාතික ආර්ථිකයේ කේන්ද්‍රස්ථානය වන බවත් අයවැය යෝජනා අනුව ක්‍රියාත්මක කරන සංවර්ධන ව්‍යාපෘතීන්වලින් ප්‍රතිලාභ ලබාගැනීමට නම් ජනවාරි මාසයේ සිට එකම ආසාදිතයෙක් හෝ නොමැති පළාතක් බවට බස්නාහිර පළාත පත්කළ යුතු බවත්ය.
