අනතුරින් ගුවන් යානයේ ගමන් ගත් කාර්යමණ්ඩලයේ අට දෙනෙකු සහ මගීන් හතළිස් දෙනෙකු මිය ගොස් ඇති බවයි වාර්තා වේ.
අනතුරට ලක් වූ යානයේ මෙහෙයුම් කටයුතු සිදු කර ඇත්තේ ගෘහස්ථ මගී සේවා සපයන සෙපහාන් නමැති ගුවන් සමාගමයි.
ගුවන් යානය, මෙහ්රාබාද් ගුවන් තොටුපලේ සිට ඊසාන දිග ඉරානයේ ටබාස් නගරය බලා පියාසර කිරීම අරඹා සුළු වෙලාවකින් අනතුරට ලක් වී තිබේ.
අනතුරට හේතු වූ කරුණු සොයා බැලීම සඳහා පරීක්ෂණ ආරම්භ කර ඇති බව පැවසෙයි.
ගුවන් යානය ගුවන්ගත කිරීම සිදු කෙරෙන අවස්ථාවේදී යානය නියමුවාට පාලනය කර ගැනීමට නොහැකි වීම නිසා මෙම අනතුර සිදුව ඇති බව සමහර විදෙස් මාධ්‍ය වාර්තා පවසති.
ගෙවුණු වසර කිහිපය ඇතුළත ගුවන් අනතුරු ගණනාවක් ඉරානයෙන් වාර්තා විය.
දුර්වල නඩත්තු සේවා සහ පැරණි ගුවන් යානා ප්‍රයෝජනයට ගැනීම ඊට හේතු වී තිබේ.
