නියෝජ්‍ය සෞඛ්‍ය සේවා අධ්‍යක්ෂ ජනරාල්, විශේෂඥ වෛද්‍ය හේමන්ත හේරත් මහතා පැවසුවේ, පළාත් බලධාරීන් විසින් තෝරා ගත් පිටවීමේ දොරටුවලදී මෙම අහඹු පරීක්ෂණ සිදු කරනු ඇති බවයි. ජංගම පරීක්ෂක ස්ථාන යොදවා මෙම පරීක්ෂණ සිදු කරන අතර නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා අද (22) පැවසුවේ, ප්‍රධාන මාර්ග ආශ්‍රිතව අහඹු පරීක්ෂණ සිදු කරන ස්ථාන ඉදිරියේදී වෙනස් කරමින් පරීක්ෂණ සිදු කරන බවයි.
බස්නාහිර පළාතෙන් පිටතට යන පුද්ගලයින් සඳහා කොරෝනා පරීක්ෂණ සිදු කිරීම ආරම්භ වූයේ, පසුගිය 18 වැනිදා සිටයි.
එහිදී අහඹු ලෙස පරීක්ෂාවට ලක් කළ පුද්ගලයින් 431 දෙනෙකු අතරින් 5 දෙනෙකු කොවිඩ් ආසාදිත බවට හඳුනා ගැනුනා.