කම්කරු අමාත්‍ය නිමල් සිරිපාල ද සිල්වා මහතා අද (23) මාධ්‍ය වෙත අදහස් දක්වමින් මේ බව සඳහන් කර තිබේ. ජාතික කම්කරු උපදේශන සභාව ඉදිරියේ දී විශ්‍රාම ගැන්වීමේ වයස දීර්ඝ කිරීම පිළිබඳ තමා සාකච්ඡාවට ගත් බවත් එහිදී වෘත්තීය සමිති නායකයින් විශ්‍රාම ගැන්වීමේ වයස් සීමාව දීර්ඝ කිරීමට එකඟත්වය පළ කර බවත් අමාත්‍යවරයා එහිදී සඳහන් කළා.
එසේ වුවත් යම් සේවකයෙකුට අවුරුදු 55න් විශ්‍රාම යෑමට අවශ්‍ය නම්, ඔහුට ඒ සඳහා ඉඩකඩ සලසා දියයුතු බවත් එහිදී අර්ථසාධක මුදල් ලබා ගැනීමේ අයිතිය ලබා දිය යුතු වන අතර, අවුරුදු 60න් පසුව විශ්‍රාම ගැනීමේ දී අර්ථසාධක මුදල් ලබා ගැනීම පිළිබඳ විරුද්ධත්වයක් නොමැති බව ඔවුන් පැවසු බවත් අමාත්‍යවරයා කියාසිටියේය. අසනීප තත්ත්වයේ පසුවෙන පුද්ගලයින් අවුරුදු 60ක් දක්වා තබා ගන්නා ලෙස බලනොකරන ලෙස ද කමිටුව පැවසු බව සඳහන්.
