මේ වනවිට රජයේ රෝහල්වල සායනවලින් ප්‍රතිකාර ගන්නා රෝගීන් සදහා ඖෂධ බෙදාහැරීමේ කටයුතු අඛණ්ඩව ක්‍රියාත්මක කරමින් සිටින බව නියෝජ්‍ය තැපැල්පතිවරයා සදහන් කරයි.මේ අතර නව ආසාදිතයින් 522ක් ඊයේ (06) දිනයේදී හඳුනාගත් බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරනවා.
ඊයේ හඳුනාගත් ආසාදිතයින් අතරින් වැඩිම පිරිසක් කොළඹ දිස්ත්‍රික්කයෙන් වාර්තා වෙන අතර එම සංඛ්‍යාව 206කි. මෙම ආසාදිතයන් අතරින් එක් පුද්ගලයෙකු විදේශගතව සිට මෙරටට පැමිණි ශ්‍රී ලාංකිකයෙකි.
මේ වනවිට සුවය ලබා ඇති කොවිඩ් ආසාදිතයින්ගේ සංඛ්‍යාව 39,023 ක් වන අතර, ආසාදිතයින් 7,006 දෙනෙකු තවදුරටත් නේවාසිකව ප්‍රතිකාර ලබන බවයි වසංගත රෝග විද්‍යා අංශය ප්‍රකාශ කරන්නේ.