ජනාධිපතිවරයා මීට පෙර පෞද්ගලිකවම මැදිහත් වී අතිශය දූෂිත ආයතනයක් වන මෝටර් රථ වාහන දෙපාර්තමේන්තුවේ දූෂිත නිලධාරීන් ඉවත් කර එම දෙපාර්තමේන්තුවේ කටයුතු වඩාත් සක්‍රීයව පිරිසිදුව සිදු කිරීමට අවශ්‍ය පියවර ගනු ලැබීය. ඒ සම්බන්ධයෙන් පක්ෂ විපක්ෂ ජනකොටස් වල ප්‍රසාදය ජනාධිපතිවරයාට හිමිව තිබේ.
මේ වන විටත් රේගුවේ කටයුතු මෙම වසරේ මුල් මාස 3 ඇතුලත ප්‍රතිසංස්කරණය කරමින් ධනාත්මක පරිවර්තනයකට ලක් කරන ලෙස ජනාධිපති ලේකම් පී බී ජයසුන්දර ලිඛිතවම එහි බලධාරීන් වෙත දන්වා ඇත . එසේ නොවුණහොත් ජනාධිපතිවරයාට මැදිහත් වී එම කටයුතු සිදු කිරීමට වන බවට අනතුරු හැඟවීම්ක්ද කර තිබේ.
මෙරට රාජ්‍ය බදු ආදායමෙන් දෙකෙන් පංගුවක් පමණ ලැබෙන්නේ රේගු දෙපාර්තමේන්තුවෙනි. එමෙන්ම අති විශාල බදු වංචා දූෂණ අක්‍රමිකතා රැසක්ද ඒ තුල වෙයි. මේ නිසා ව්‍යාපරික ප්‍රජාවගෙන් සහ ජනතාවගෙන් නිරන්තර පැමිණිලි එල්ල වෙමින් තිබෙන ආයතනයක් බවට දැන් කාලාන්තරයක් තිස්සේ රේගුව පත්ව තිබේ. එසේම බදු නොගෙවා හොර බඩු/ බාල බඩු ලංකාවටෙ ගෙන ඒමේ මහා ජාවාරම් වෙනුවෙන් ඇතැම් රේගු නිලධාරීන්ගේ සහය ලැබෙන බවත් ප්‍රසිද්ධ කරුණකි.
මේ නිසා කල් යල් බලා රේගු දෙපාර්තමේන්තුව සුද්ද කිරීමට ජනාධිපතිවරයා ගත් තීන්දුව විශිෂ්ටය.
පහතින් පළ වන්නේ පී බී ජයසුන්දර මහතා යොමු කළ ලිපියයි.
