කැෆ්රි ෆොක්ස් නමැති මෙම වෛරසය සීග්‍රයෙන් පැතිරයන බවයි බලධාරීන් පවසන්නේ.
වසංගත රෝග පිළිබඳ වෛද්‍ය ප්‍රදීප් කුමාරවඩුගේ පවසන්නේ , පසුගිය වසරේ සැප්තැම්බර් මස තුළදී ප්‍රථම වරට මෙරටින් හඳුනාගත් එම වෛරසය රෝගය මේ වනවිට දිවයිනේ දිස්ත්‍රික්ක 14කට ව්‍යාප්තව ඇති බවයි. මෙහි රෝග ලක්ෂණ ලෙස ගවයින්ගේ ශරීරය පුරාම සමේ ගැටිති ඇතිවීම, සතුන් උදාසීනවීම, උණ ගතිය වගේම ඇස් හා නාසයෙන් ශ්‍රාවයක් පිටවීම වයිරසයට ගොදුරු වූ ගවයින්ගේ හැකිය.
එසේම මේ සතුන්ගේ කිරි නිෂ්පාදනය හා ප්‍රජනන හැකියාව දුර්වලවීම ද සිදුවන බවයි පරීක්ෂණ වලින් සොයාගෙන ඇත්තේ. කෙසේ වෙතත් මේ පිළිබඳ සොයා බැලීමට පශු සම්පත් රාජ්‍ය අමාත්‍යාංශය විසින් 07 දෙනෙකුගෙන් යුතු කමිටුවක් පත් කර තිබේ.
එම කමිටුවට රාජ්‍ය අමාත්‍ය ඩී.බී. හේරත් මහතා දැනුම් දී ඇත්තේ ඒ පිළිබඳ වාර්තාවක් සතියක් ඇතුළත ලබා දෙන ලෙසයි.
පංචාලි අබේසේකර
