මෙහිදී නව රක්ෂණ ක්‍රමය හඳුන්වා දෙමින් මහා සංඝරත්නය වෙත රක්ෂණ සහතික පත් පිළිගැන්වීම ද
අග්‍රාමාත්‍යවරයාගේ ප්‍රධානත්වයෙන් අරලියගහ මන්දිරයේදී සිදුවිය.
සංඝයා වහන්සේලාගේ මව, පියා, සහෝදර සහෝදරියන් රජයේ හෝ පෞද්ගලික රෝහලක ප්‍රතිකාර ලැබීමක දී දිනකට රුපියල් 1 000 බැගින් රු.15000ක උපරිමයක් සහ රෝහල්ගතව සිදු කරන වෛද්‍ය පරීක්ෂණයකට හෝ ඖෂධ ලබා ගැනීමකට රුපියල් 25 000ක උපරිමයක් දක්වා මෙම රක්ෂණ ක්‍රමය මගින් ගෙවීමට නියමිත ය.
රුපියල් 2000 ක මුදලක් පමණක් මේ සඳහා වාර්ෂිකව ගෙවිය යුතු අතර, එය පුණ්‍ය කටයුත්තක් ලෙස සැදැහැවතුන්ට පූජා කිරීමේ හැකියාව ද ඇත.
මෙම රක්ෂණ අවස්ථාව ඉදිරියේ දී අන්‍යාගමික පූජකතුමන්ලා වෙනුවෙන් ද ක්‍රියාත්මක කිරීමට බලාපොරොත්තු වන බව මෙහි දී අග්‍රාමාත්‍යවරයා අවධාරණය කළා.
සසුනට දරුවන් පූජා කළ, නිවසක් නොමැති දෙමාපියන් සඳහා නිවසක් ලබා දීමේ "මිහිඳු නිවාස" යෝජනා ක්‍රමයට නිවාස අමාත්‍යවරයා වශයෙන් අග්‍රාමාත්‍ය මහින්ද රාජපක්ෂ වන විටත් මුදල් වෙන් කර ඇති බව ප්‍රකාශ කළ මහාචාර්ය ඉදුරාගාරේ ධම්මරතන නාහිමියෝ බුද්ධ ශාසනය වෙනුවෙන් අග්‍රාමාත්‍යවරයා ඉටුකරන සේවාව පිළිබඳව ප්‍රශංසා කළහ.
ඉඩමක් හිමි එහෙත් නිවසක් ඉදිකර ගැනීමට නොහැකි සංඝයා වහන්සේලාගේ දෙමාපියන් වෙනුවෙන් එක් නිවසක් සඳහා රුපියල් ලක්ෂ 06 බැගින් නිවාස 2000 ඉදිකිරීම සඳහා ද මෙහිදී මුදල් ප්‍රතිපාදන වෙන් කර තිබේ.
මෙම අවස්ථාව සඳහා සංඝ රත්නය ඇතුළු මැතිඇමතිවරුන් විශාල පිරිසක් සහභාගී වී සිටි බව වාර්තා වේ.
පංචාලි අබේසේකර
