ජනාධිපතිවරයා මේ බව ප්‍රකශ කළේ ''ගම සමග පිළිසදර '' වැඩසටහන ඔස්සේ බලංගොඩට ගිය අවස්ථාවේදීය.
75%ක් පමණ වන ග්‍රාමීය ජනතාවගේ ජීවන තත්ත්වය නගා සිටුවීම පිණිස තිරසාර වැඩපිළිවෙළක් අවශ්‍ය බවත්, ගොවි ජනතාව පාරම්පරිකව මුහුණ දී ඇති ගැටළු සහ දුෂ්කරතා නිසා වර්තමාන පරපුර කෘෂිකර්මාන්තයෙන් ඉවත්ව සිටින බවත් ජනාධිපතිවරයා එහිදී අවධාරණය කර තිබේ.
එසේම අස්වැන්නට ඉහළ මිලක්, තාක්ෂණික දැනුම, ජල කළමනාකරණය, දේශීය බීජ නිෂ්පාදනය, වෙළෙඳ පොළ සහ ප්‍රවාහන පහසුකම් සැපයීම, කාබනික කෘෂි නිෂ්පාදනයට ගොවීන් දිරිමත් කිරීම වැනි ක්‍රමවලින් ප්‍රශ්නය විසදා ගැනීමට නිලධාරීන්ගේ විශේෂ අවධානය යොමු කළ යුතු බවයි ජනාධිපතිවරයා එහිදී පවසා සිටියේ.
- පංචාලි අබේසේකර
