කොළඹ දිස්ත්‍රික් මිනුම් ඒකක හා ප්‍රමිති සේවා අංශය හරහා මෙය සිදු කෙරෙන බවයි ඒ මහතා ප්‍රකාශ කළේ.
ඔහු තව දුරටත් සදහන් කර ඇත්තේ ජනතාවට ප්‍රමිතියෙන් යුතු භාණ්ඩ ලබාගැනීම සහතික කිරීම මිනුම් ඒකක හා ප්‍රමිති සේවා අංශයේ අරමුණ බවත් , කොරෝනා සමයේ වුවද මේ සම්බන්ධ වැටලීම් අඛණ්ඩව සිදු කෙරෙන බවත්ය.
තවද පසුගිය දින කිහිපය තුළ අඩුබර පාන් නිෂ්පාදනය කළ ආයතන 25 කට නඩු පවරා තිබෙන බවත් , ප්‍රමිතියෙන් තොර කිරුම් මිනුම් උපකරණ භාවිත කළ 18 දෙනෙකුට නඩු පවරා ඇති අතර මුද්‍රා නොතැබූ ඉන්ධන පොම්ප සම්බන්ධයෙන් ද වැටලීම් සිදු කළ බවත් මාධ්‍ය හමුවේදී ඔහු ප්‍රකාශ කර ඇත.
කොළඹ දිස්ත්‍රික්කය තුළ ජනතාව වැඩි වශයෙන් ගැවසෙන ප්‍රදේශවල නිසි ප්‍රමිතියෙන් යුතු තරාදි තැබීමට නියමිත අතර ,එවිට ජනතාවට තමන් මිලදී ගත් භාණ්ඩවල නියමිත බර තිබේදැයි පරික්ෂා කර ගත හැකි බවයි කොළඹ දිස්ත්‍රික් ලේකම්වරයා සදහන් කරන්නේ.
-පංචාලි අබේසේකර
