ලංකා ගමනාගමන මණ්ඩලයේ සභාපති කිංග්ස්ලි රණවක මහතා ඒ සම්බන්ධයෙන් මෙසේ අදහස් දක්වයි.
"අද දිනයේදී මාකුඹුර සිට පිටකොටුව දක්වාත් පිටකොටුවේ සිට මාකුඹුර දක්වාත් 138 මාර්ගයේ සහ බත්තරමුල්ල ඔස්සේ මෙම සිටි බස් සේවාව ආරම්භ වෙනවා. පාර්ක් ඇන්ඩ් රයිඩ් කියන සංකල්පය මත මෙම සේවාව ආරම්භ වෙන්නෙ. අධික රථවාහන තදබදයක් සමග ගමන් කරන කාර්යාල පිරිස් ඉවත් කරගෙන මෙම බස්රථවලට ලබා ගැනීම තමයි ඉන් අපි බලාපොරොත්තුවෙන්නේ. ඒ වගේම කාර්යක්ෂමව ඔවුන්ගේ සේවා ස්ථානවලට ඔවුන්ව රැගෙන යෑම. සෑම මිනිත්තු 10කට වරක්ම මේ බස් රථයක් ඒ මාර්ග ඔස්සේ ගමන් කරනවා. ගාස්තුව සාමාන්‍ය ගාස්තුව වගේ දෙගුණයක්."
පාර්ක් ඇන්ඩ් රයිඩ් (Park and Ride – City Bus) කියන සංකල්පය අනුව මෙම ව්‍යාපෘතියේ අරමුණු වන්නේ
+ උදෑසන සහ සවස් කාලයේ කාර්ය බහුල වේලාවන්වලදී ඇතිවන මාර්ග තදබදය අවම කිරීම.
+ ප්‍රවාහන සේවා සදහා යොදාගන්නා ඉන්ධන භාවිතය අඩුකිරීම තුලින් රටෙහි ඉන්ධන ආනයනය සදහා වන වියදම අඩුවීම .
+ වාහනව ලින් සිදුවන පරිසර දූෂණය අවම කිරීම.
+ මාර්ග අනතුරු අවම කිරීම.
+ මාර්ග භාවිතා කරන ජනතාවගේ මානසික ආතතිය අවමකිරීම සහ ගමනට ගතවන කාලය අඩුකිරීම තුලින් ශ්‍රම ඵලදායීතාවය ඉහලයෑම හේතුවෙන් රවේ භාණ්ඩ හා සේවා නිෂ්පාදනය + ඉහලයෑම සහ ඒතුලින් ජාතික ආර්ථිකයට වාසිදායක තත්ත්වයක් ඇතිවීම.
ආදී සමාජ හිතකාමී අරමුණු සාක්ෂාත් කරගැනීමය.
මාකුබුර හරහා කොළඹ නගරසීමාව තුල ඇති ගමනාන්වලට මෝටර් රථ සහ යතුරුපැදි වලින් ගමන්කරන ජනතාවට උදෑසන තමන්ගේ වාහනය මාකුඹුර බහුවිධ ප්‍රවාහන හුවමාරු මධ්‍යස්ථානයේ ආරක්ෂිතව නවතා තබා විශේෂයෙන් යොදවන ලද සුඛෝපභෝගී බස් රථවලට ගොඩවී තමන්ගේ ගමනාන්තයට යෑමට පහසුකම් සැලසා ඇත. එසේම සවස නැවතත් සුඛෝපහෝගී බස් රථයෙන් මාකුඹුර බහුවිධ ප්‍රවාහන හුවමාරු ස්ථානයට පැමිණීමට අවස්ථාව උදාකරනු ලබයි..
