ඒ අනුව ඊයේ (16) දහවල් එම බැංකු ශාඛාව විෂබීජහරණයට ලක් කර ඇති බවයි අම්බලන්ගොඩ සෞඛ්‍ය වෛද්‍ය නිලධාරී කාර්යාලය පැවසන්නේ.
එමෙන්ම එම බැංකු ශාඛාවේ සේවකයින් සියලුදෙනා නිරෝධායනයට ලක් කර ඇති අතර එම සියලුම සේවකයින් පී.සී.ආර්. පරීක්ෂණ සදහා යොමු කරන බවයි වාර්තා වෙන්නේ.
මේ අතර කඵතර ඉදුරුව ප්‍රදේශයේ තුන්දූව නැගෙනහිර සහ බටහිර යන ප්‍රදේශ දෙක මේ මොහොතේ සිට හුදකලා බවින් නිදහස් කරන බව යුද හමුදාපති ජෙනරාල් ශවේන්ද්‍ර සිල්වා ප්‍රකාශ කර තිබේ.
එමෙන්ම බේරුවල ප්‍රදේශයේ ග්‍රාම නිලධාරී වසම් 09ක්, පානදුර ප්‍රදේශයේ ග්‍රාම නිලධාරීන් වසමක් සහ කළුතර ග්‍රාම නිලධාරී වසම් 10ක් අද දිනයේදී හුදකලා බවින් ඉවත් කිරීමට කටයුතු කරන බව යුධ හමුදාපතිවරයා සදහන් කරයි.
-පංචාලි අබේසේකර
