අමාත්‍යවරයා ඊයේ (17) පස්වරුවේ බූස්ස සතොස ගබඩා සංකීර්ණයේ නීරික්ෂණ චාරිකාවක නිරත වී ඇති අතර එහිදී රාජ්‍ය වාණිජ විවිධ නිතිගත සංස්ථාව මගින් බෙදාහරින සාමාන්‍ය වෙළෙඳපොළ මිළෙන් රු. 30ක් අඩුවෙන් විකිණීම සඳහා සතොස තොග ගබඩාව වෙත ලබා දී තිබූ තේ 100g පැකට් විශාල ප්‍රමාණයක් රෙදි සෝදන සබන් සමඟ ගබඩා කර තිබෙන බව දුටු අමාත්‍යවරයා වහාම ක්‍රියාත්මක වන පරිදි මෙම තීරණය ගෙන ඇත.
වත්මන් රජයෙන් ක්‍රියාත්මක කළ මෙම පාරිභෝගික සහන සැලසීමේ මහා පරිමාණ ව්‍යාපෘතීන් කඩාකප්පල් කිරීමටත් පුද්ගලික අංශයේ මිළෙන් වැඩි භාණ්ඩ අලෙවි කරමින් පාරිභෝගිකයා අපහසුතාවයට පත් කිරීමට කටයුතු කර ඇති මෙම අවස්ථාවේදී විධිමත් විමර්ශනයක් පවත්වා වැරදිකරුවන්ට නීතිය ක්‍රියාත්මක කරන ලෙස අමත්‍යවරයා සතොස සභාපති රියර් අද්මිරාල් ආනන්ද පීරිස්ට නියෝග කර තිබේ.
තවද මෙයට සම්බන්ධ වූ එම නිලධාරියා ඇතුළුව මෙම කඩාකප්පල්කාරී ක්‍රියාව සිදු කිරීමට ඍජුව හා වක්‍රව දායක වූ සැමට එක ලෙස නීතිය ක්‍රියාත්මක කිරීම සිදු කළ යුතු බව එහිදී අමාත්‍ය බන්දුල ගුණවර්ධන සභාපතිවරයාට දැනුම් දී තිබේ.
-පංචාලි අබේසේකර
