පසුගියදා හිටපු ජ්‍යෙෂ්ඨ පොලිස් අධිකාරිවරයාට කොවිඩ් නයින්ටීන් වෛරසය අසාදනය වීම හේතුවෙන් කොමිසම හමුවේ සාක්ෂි ලබාදීම සඳහා පැමිණීමට හැකියාව ලැබී නැහැ. මොහු ජනාධිපති කොමිසම හමුවේ සාක්ෂි ලබාදෙන අවසන් සාක්ෂිකරු ද විය හැකි බව කොමිෂන් සභා ආරංචි මාර්ග සඳහන් කරනවා.
ඒ අනුව බන්ධනාගාර නිලධාරීන් විසින් අද දිනයේ මොහු කොමිසම හමුවට ඉදිරිපත් කරනු ඇත.
පාස්කු කොමිසම අද දිනයේ රැස්වන අතර මෙම මස 31 වන දිනෙන් එහි කාලය අවසන් වීමට නියමිතයි.
ඒ අනුව කොමිසමේ සාමාජිකයින් මේ වන විට සිය අවසන් වාර්තාව සකස් කරමින් සිටින බව ද කොමිෂන් සභා ආරංචි මාර්ග සඳහන් කරයි.
මේ අතර තවත් සාක්ෂිකරුවන් කිහිපදෙනෙකු අද උදෑසන කොමිසම හමුවේ සාක්ෂි ලබාදීමට නියමිත බවයි ආරංචි මාර්ග කරන්නේ.
-පංචාලි අබේසේකර
