යුද හමුදාපති ශවේන්ද්‍ර සිල්වා, සෞඛ්‍ය අධ්‍යක්ෂ ජනරාල් අසේල ගුණවර්ධන ඇතුළු කණ්ඩායමක් හා පෞද්ගලික රෝහල්වල රසායනාගාර අංශ ප්‍රධානීන් අතර පැවති සාකච්ඡාවකදී මේ බව දන්වා ඇත.
ඇතැම් පෞද්ගලික රෝහල් සෞඛ්‍ය අමාත්‍යාංශයේ අවසරයකින් තොරව ප්‍රාදේශීය රසායනාගාරවල පී.සී.ආර්. පරීක්ෂණ කරන බවට හෙළි වී ඇතැයි මෙහි දී අනාවරණය විය. සෞඛ්‍ය අමාත්‍යාංශය මගින් මෙතෙක් පී.සී.ආර්. පරීක්ෂණ සඳහා අවසර දී ඇත්තේ රජයේ හා පෞද්ගලික අංශයේ රසායනාගාර තිහකට පමණි.
සෞඛ්‍ය අංශ දැනුම් දී ඇති නීති රීති වලට පිටින් ගොස් පී.සී.ආර්. පරීක්ෂණ ක්‍රමවේදවල විශ්වාසනීයත්වය කඩ නොකරන ලෙස මෙහි දී දැනුම් දී තිබේ.
කෙසේ වෙතත් හමුදාපතිවරයා පෞද්ගලික රෝහල් අංශය නිලධාරීන්ගෙන් ඉල්ලීමක් කර ඇත්තේ පී.සී.ආර්. පරීක්ෂණ සඳහා අයකරන ගාස්තු අඩු කරන ලෙසයි.
-පංචාලි අබේසේකර
