පසුගිය ඔක්තෝබර් 30 වැනිදා සිට මේ දක්වා කාලය තුළ සිදුකළ පරීක්ෂණ මෙහෙයුම්වල දී ‍නිරෝධායන නීති කැඩූ පුද්ගලයින් 2,746 දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක සදහන් කර තිබෙනවා.

ඒ අනුව ඉන් 2600 දෙනෙකුට මේ වනවිට නඩු පවරා ඇති බවත් ඉදිරියටත් එම මෙහෙයුම් අඛණ්ඩව සිදුකරන බවත් පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සදහන් කරයි.

මේ අතර කොළඹ දිස්ත්‍රික්කයේ ගත වූ පැය 24 තුළ කොවිඩ් වෛරස ආසාදිතයින් සංඛ්‍යාව 400 ඉක්මවා ගොස් තිබේන බවයි වාර්තා වන්නේ.

අඛණ්ඩව තුන්වන දිනටත් ඊයේ (24) දිනය තුළ දිවයිනේ දිස්ත්‍රික්ක 25න්ම නව ආසාදිතයින් වාර්තා වී ඇති බව ද කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරනවා.

ගම්පහ දිස්ත්‍රික්කයෙන් ආසාදිතයින් 86 දෙනෙකු, කළුතර දිස්ත්‍රික්කයෙන් 72 දෙනෙකු සහ ගාල්ල දිස්ත්‍රික්කයෙන් ආසාදිතයින් 40 දෙනෙකු ඊයේ හඳුනාගත් නව ආසාදිතයින් 843දෙනා අතරට අයත් වේ.

-පංචාලි අබේසේකර